काठमाडौं- बुधबार नेपाल लाइभमा गण्डकी प्रदेश सभा बैठक, मुद्दा फिर्ता लिने सरकारको निर्णय र कोरोना संक्रमण सम्बन्धी सामग्रीहरु नै प्राथमिकतामा रहे।
कोरोना महासंकटका बेला ‘राजनीतिक संकट’को रमितादेखि कोरोनाविरुद्धको खोप लगाउने कार्य रोकिएका समाचारले स्थान पाए।
यस्तै, गण्डकी प्रदेशका मुख्यमन्त्री पृथ्वीसुब्बा गुरुङ विरुद्धको अविश्वास प्रस्तावसँग सम्बन्धित विषयले पनि दिनभर स्थापन पाए। नेपाल सरकार मन्त्रिपरिषद् बैठकले गरेका निर्णयहरू, कोरोनाको हटस्पट बनेको बाँकेको खजुरा गाउँपालिकाकी उपाध्यक्षको चिन्ताका विषय प्राथमिकताका साथ प्रकाशित भए।
यसैगरी, सरकारले मधेश आन्दोलनका १२० जनामाथि लगाएको मुद्दा फिर्ता लिन गरेको निर्णय र टीकापुर घटनाका मुख्य अभियुक्त भनिएका रेमश चौधरी र उक्त घटनामा जोडिएकाहरुको मुद्दा यथास्थितिमा फिर्ता लिन नमिल्ने महान्यायाधिवक्ता रमेश बडालको भनाइलगायतका सामग्री प्रकाशित भए।
बुधबार नेपाल लाइभमा प्रकाशित केही मुख्य समाचारहरु यसप्रकार छन्:
‘राजनीतिक संकट’को रमिता!
कोरोना संक्रमण व्यवस्थापनका दृष्टिबाट नेपाल भने एक वर्ष पछि पनि उहीँ छ। किनभने, यो बीचमा सरकारले कोरोना संक्रमणमा केन्द्रित रहेर खास काम गरेन। अन्य राजनीतिक दलले पनि त्यता केन्द्रित हुन सरकारलाई झकझक्याएनन्। बरू गएको वर्ष यही समयमा सुरू भएको सत्ताकेन्द्रित राजनीति गिजोलिँदै गएको छ।
कोरोना कहरबाट केही मुक्ति पाएको समयमा आगामी लहरका लागि तयारी गर्नुपर्ने बेला देशमा राजनीतिक संकट गहिरिँदै गएको थियो। प्रधानमन्त्री केपी शर्मा ओलीले प्रतिनिधिसभा विघटन गरे। त्यसको बचाऊ र विरोधका गतिविधि कसरी भए? सबैलाई अवगत नै छ। ती भेला-जुलुसका कारण नियन्त्रणमा आउँदै गरेको कोरोनाले फैलिने अवसर त पायो नै, समाजमा गलत सन्देश प्रवाह गर्यो।
सम्बन्धित समाचारः
बेहालमा बेपर्वाह राजनीति : कोरोना महासंकटका बेला ‘राजनीतिक संकट’को रमिता!
निषेधाज्ञासँगै बढे उपत्यका छाड्नेहरू [तस्बिरसहित]
कोरोना हटस्पट खजुरा : गाउँपालिका उपाध्यक्ष भन्छिन्- ‘संयमित हुन नसके अवस्था भयावह हुनसक्छ’
मास्क नलगाइ हिँड्ने ३० हजार बढीलाई राखियो होल्डिङ जोनमा
० ० ०
सांसद नै वेपत्ता भएपछि...
गण्डकी प्रदेशका मुख्यमन्त्री पृथ्वीसुब्बा गुरुङको सत्ता संकटमा परेको र त्यससँग जोडिएका विषयले बुधबार प्राथमिकता पाए।
गण्डकी प्रदेश सभामा मतदान हुन समयमा सांसद नै वेपत्ता भएपछि अनिश्चितकालका लागि बैठक स्थगित भएको छ। मुख्यमन्त्री पृथ्वीसुब्बा गुरुङविरुद्ध परेको अविश्वास प्रस्तावमा बुधवार मुख्यमन्त्री र सत्ता पक्षका सांसदहरुले बोलेका थिए। आजै बिहान पीसीआर परीक्षण गर्दै मतदान गर्ने कार्यक्रम रहेको थियो। बिहान तीन जना सांसदको कोरोना परीक्षण रिर्पोट पोजेटिभ आएको थियो।
उनीहरुलाई अलग्गै राखेर छलफल अघि बढेको थियो। मंगलबारको बैठक शुरु हुने बित्तिकै सत्तारुढ एमालेका सांसद्हरु उठेका थिए। त्यसपछि सभामुखको समय लिएर बोलेका राजीव पहारीले सांसद्हरुको कोरोना परीक्षण नगरी बैठक सञ्चालन गरिएको भन्दै असन्तुष्टि जनाएपछि आज परीक्षण गरिएको थियो। मुख्यमन्त्री गुरुङविरुद्ध परेको अविश्वासको प्रस्तावमाथि मतदान हुनुअघि प्रदेश सभा बैठक नै अनिश्चितकालका लागि स्थगित भएको छ।
दोस्रो बैठकमा मुख्यमन्त्री गुरुङले अविश्वासको प्रस्तावमा उठेका प्रश्नमाथि जवाफ दिने र मतदान गर्ने कार्यक्रम थियो। तर, निर्णायक मानिएको राष्ट्रिय जनमोर्चाका एक जना सांसद् खिमविक्रम शाही अनुपस्थित रहेका थिए। त्यसपछि राजमोकी सचेतक पियारी थापाले सदन रोक्न माग गर्दै सभामुखलाई निवेदन दिएकी थिइन्। सोही आधारमा सभामुखले बैठक स्थगित गरिदिएका हुन्।
सम्बन्धित समाचार
गण्डकी प्रदेश सभा बैठक अनिश्चितकालका लागि स्थगीत
गण्डकी प्रदेश : सांसद शाहीको जीवन रक्षाको माग गर्दै जनमोर्चाले दियो सभामुखलाई निवेदन
सिंहदरबारमा सल्काइएको भुसको आगोको प्रभाव गण्डकी प्रदेशमा पनि परेको छ : पियारी थापा
कुनै दलको पक्षपोषण गरेर सभामुखले आफूखुशी बैठक स्थगित गर्नुभयो : एमाले
० ० ०
सरकारले फिर्ता लियो १२० जनाको मुद्दा
सरकारले जसपाका नेता कार्यकर्तासहित १२० जनाको मुद्दा फिर्ता लिएको छ। महान्यायाधिवक्ता कार्यालयको रायपछि मन्त्रिपरिषदको बैठकले मुद्दा फिर्ता लिएको हो। सरकारको यो कदमको जसपाले स्वागत गरेको छ।
सम्बन्धित समाचारः
यी हुन् मन्त्रिपरिषद्ले मुद्दा फिर्ता लिएका व्यक्तिहरू (सूचीसहित)
विप्लवका सबै मुद्दा फिर्ता हुँदैनन् : महान्यायाधिवक्ता बडाल
महान्यायाधिवक्ता बडाल भन्छन्– रेशम चौधरीलगायतको मुद्दा फिर्ता लिन मिल्दैन
१८२ जना जनप्रतिनिधिविरुद्ध फौजदारी मुद्दा, वडाध्यक्ष मात्रै ११९
० ० ०
१२ जिल्लामा कोरोनाका सक्रिय संक्रमित ५०० नाघे
स्वास्थ्य तथा जनसंख्या मन्त्रालयका अनुसार काठमाडौं उपत्यकासहित देशभरका १२ जिल्लामा कोरोना संक्रमण उच्च दरमा फैलिरहेको छ।
सक्रिय कोरोना संक्रमित ५०० भन्दा धेरै भएका जिल्लाको संख्या १२ पुगेको छ। थप १० जिल्लामा दुई सय भन्दा धेरै संक्रमित पुगेका छन्।
पाँच सय भन्दा धेरै संक्रमित रहेको जिल्लामा काठमाडौं, ललितपुर, भक्तपुर, चितवन, मोरङ, पर्सा, बाँके, कास्की, दाङ, रुपन्देही, सुर्खेत र कैलाली रहेका छन्।
२ सय सक्रिय संक्रमित रहेका जिल्लामा सुनसरी, झापा, बारा, धनुषा र मकवानपुर छन्। यस्तै, काभ्रेपलान्चोक, पाल्पा, बर्दिया, कपिलवस्तु र कञ्चनपुरमा पनि सक्रिय संक्रमितको संख्या २ सय पुगेको छ।
सम्बन्धित समाचार
यी हुन् सक्रिय संक्रमित ५०० पुगेका १२ जिल्ला
चिनियाँ खोप लगाउने अभियान तत्काललाई स्थगित
० ० ० ० ० ०
कर्णाली प्रदेशमा फ्लोर क्रस गरेका तीन मन्त्रीले दोस्रो पटक लिए सपथ
कर्णाली प्रदेशका नवनियुक्त तीन मन्त्रीले शपथ लिएका छन्। मुख्यमन्त्री महेन्द्रबहादुर शाहीलाई बहुमत पु¥याउन ‘फ्लोर क्रस’ गरेर साथ दिएका तीन मन्त्रीको पुनः शपथ गराइएको हो।
मन्त्रीहरू अम्मरबहादुर थापा, नन्दसिङ बुढा, र कुर्मराज शाहीलाई प्रदेश प्रमुख गोविन्द कलौनीले बुधबार वीरेन्द्रनगरमा पद तथा गोपनीयताको शपथ गराएका हुन्। त्यस्तै बुधबार नै बागमती प्रदेशमा सरकार विस्तार भएको छ। मुख्यमन्त्री डोरमणी पौडेले रिक्त रहेको मन्त्री पदमा नयाँ मानिसलाई नियुक्ति गर्दै सपथ गराएका छन्।
सम्बन्धित समाचार
कर्णालीमा ‘फ्लोर क्रस’ गरी मन्त्री बनेकाले पुनः शपथ लिए
बागमती प्रदेशमा मन्त्रिपरिषद् विस्तार, ३ मन्त्री र १ राज्यमन्त्री थपिए
बागमती प्रदेश सरकारमा पहिलोपटक महिला मन्त्री
० ० ० ० ० ०
अक्सिजन सिलिण्डर कर छुट
सरकारले अक्सिजन सिलिण्डर लगायत जीवनदायक मालवस्तुमा कर छुट दिने निर्णय गरेको छ। कोरोना संक्रमितको उपचारमा आवश्यक अक्सिजन सिलिण्डरको अभाव हुन थालेपछि सरकारले यस्तो निर्णय गरेको हो। अर्थ मन्त्रालयको प्रस्तावमा वैशाख १३ गते सोमबार बसेको मन्त्रिपरिषद् बैठकले जीवनदायक अक्सिजन सिलिण्डरलगायत मालवस्तुको आयातमा कर छुट दिने निर्णय गरेको थियो। उक्त निर्णय बुधबार सार्वजनिक गरिएको हो।
कोरोना संक्रमितको संख्या दैनिक तीव्र रुपमा बढेसँगै अक्सिजन सिलिण्डरको अभाव देखिएको छ। चिकित्सकहरुका अनुसार अहिले संक्रमित भई अस्पतालमा भर्ना भएका अधिकांश बिरामीलाई अक्सिजन आवश्यक पर्ने देखिएको छ। त्यही कारण अक्सिजन सिलिण्डरको माग बढेको हो।
सम्बन्धित समाचार
अक्सिजन सिलिण्डरमा कर छुट दिने सरकारको निर्णय
० ० ० ० ० ०
माओवादी केन्द्रबाट राष्ट्रिय सभामा निर्वाचित खड्का पदमुक्त
नेकपा (माओवादी केन्द्र)का तर्फबाट राष्ट्रिय सभामा निर्वाचित सांसद चन्द्रबहादुर खड्का पदमुक्त भएका छन्। नेकपा विभाजनसँगै एमाले प्रवेश गरेका उनलाई कारबाही गरेको पत्र माओवादी केन्द्रले संसद् सचिवालयमा बुझाएको थियो।
राष्ट्रिय सभाका सचिव राजेन्द्र फुयालले बुधबार सूचना जारी गर्दै खड्का पदमुक्त भएको जानकारी गराएका हुन्।
माओवादी केन्द्रबाट राष्ट्रिय सभामा निर्वाचित खड्का पदमुक्त
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
