काठमाडौं - उत्तर कोरियाका सर्वोच्च नेता किम जोङ उनको मृत्यु भएको भन्दै सामाजिक सञ्जालमा विभिन्न अफवाह फैलिरहेका बेला उत्तर कोरियाको सरकारी सञ्चारमाध्यमले उनका तस्बिर सार्वजनिक गरेको छ।
उत्तर कोरियाको सरकारी समाचार एजेन्सी कोरियन सेन्ट्रल न्युज एजेन्सी (केसीएनए) का अनुसार किमले सोमबार प्योङयाङमा आयोजित राष्ट्रिय पोसाक तथा जुत्ता प्रदर्शनीको अवलोकन गरेका छन्।
सामाजिक सञ्जालमा किमको मस्तिष्कमा रक्तस्राव (ब्रेन हेमरेज) भएका कारण मृत्यु भएको दाबीसहितका पोस्टहरू सार्वजनिक भएका थिए। ती दाबीका बीच सरकारी सञ्चारमाध्यमले उनको तस्बिर सार्वजनिक गरेको हो।
केसीएनएका अनुसार प्रदर्शनीको अवलोकनका क्रममा किमले राष्ट्रिय पोसाक तथा जुत्ता उद्योगको प्रशंसा गरेका थिए।
किमको मृत्युबारे फैलिएका अफवाहलाई सरकारी सञ्चारमाध्यमले तस्बिर सार्वजनिक गरेर खण्डन गर्न खोजेको देखिए पनि उनको स्वास्थ्य अवस्थाबारे स्वतन्त्र रूपमा पुष्टि भएको विवरण भने उपलब्ध सामग्रीमा छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
