काठमाडौं-६ महिना हुनै लाग्दा पनि नेपाल एयरलाइन्सले ओम्नीको मेडिकल सामाग्री बोकेको भाडा पाउन सकेको छैन।
एयरलाइन्सकी प्रवक्ता अर्चना खड्काले अहिलेसम्म ओम्नीको सामान ल्याएको चार्टर जहाजको भाडा भुक्तानी नभएको जानकारी दिइन्।
नेपाल एयरलाइन्सको वाइडबडी जहाजले चीनको गोन्जाओबाट ओम्नीको मेडिकल सfमान चैत १६ गते नेपाल ल्याएको थियो। तर, ओम्नीसँग सरकारले खरिद गरेको मेडिकल सामानमा आर्थिक अनियमितता भएको भन्दै चैत १९ गते ठेक्का सम्झौता रद्द भएको थियो।
ओम्नीले पहिलो लटमा ल्याएको मेडिकल सामग्री सरकारले खरिद गर्दै भुक्तानी गरिसकेकाे छ। तर, ओम्नीले भने नेपाल एयरलाइन्सको जहाज भाडावापतको करोड ५३ लाख ८५ हजार डलर पाएको छैन।
निगमले बारम्बार संस्कृति, पर्यटन तथा नागरिक उड्डयन मन्त्रालयसँगको सहकार्यमा रकम भुक्तानीका लागि स्वास्थ्य तथा जनसंख्या मन्त्रालयमार्फत् पत्र काटे पनि मन्त्रालयले रकम भुक्तानीमा सहयोग गरेको छैन।
तत्कालीन समयममा स्वास्थ्य मन्त्रालयको आग्रहमा पर्यटनमन्त्री याेगेश भट्टराई नेपाल एयरलाइन्सले पाउने भाडाको विषयमा जमानी बसेका थिए। मन्त्री भट्टराईको जमानीमा नै नेपाल एयरलाइन्स उधारोमा ओम्नीका मेडिकल सामग्री बोक्न चीन गएको थियो।
अहिले सरकारले ओम्नीलाई एक वर्ष कालोसूचीमा राखिसकेको छ। तर, नेपाल एयरलाइन्सको भाडा भने भुक्तानी भएको छैन।
मेडिकल सामग्री खरिदमा देखिएका कमजोरी
• खरिद कार्यमा संलग्न विज्ञ स्वास्थ्य सल्लाहकारलाई खरिद प्रक्रियामा संलग्न गराउने आधार पेश गर्न नसकेको ।
• खरिद ऐनमा व्यवस्था भएको मूल्यांकन समितिको कुनै भूमिका नदेखिएको।
• विभागीय प्रमुखले आफू खरिद प्रक्रियामा नेतृत्व गर्नुपर्नेमा अन्य असम्बन्धित व्यक्तिलाई संलग्न गराई अख्तियारको दुरुपयोग गरेको।
• प्रारम्भिक छलफलमै सहभागी नभएको अनिता बिजनेश हाउसलाई वार्तामा सहभागी गराएको र कोटेशन लिइएको।
• लागत अनुमान तयार गर्दा नेपाली रुपैयाँमा गरेको र सम्झौता गर्दा डलरको दरमा सम्झौता गरेको, जसले गर्दा मूल्यमा तल–माथि देखिएको ।
• ओविसीआई प्रालिसँग स्वास्थ्य सामग्री खरिद गर्न सम्झौता गरेको र २०७६/१२/२० मा म्याद २ दिन बाँकी हुँदै खरिद सम्झौता रद्ध गरेको र कालो सूचिमा राख्न सावर्जनिक खरिद अनुगमन कार्यालयलाई पत्राचार गरेको, तर उक्त कम्पनीबाट मन्त्रालयलाई भएको क्षतिको आंकलन गरी क्षतिपूर्ति भराउने काम नगरेको।
• एन ९५ मास्कको लागत अनुमाान ४ सय ६२ रुपैयाँ ५९ पैसा रहेकोमा गैरकानुनी रुपमा लागत अनुमानभन्दा ८ सय २८ रुपैयाँ ६७ पैसा बढी हुने गरी ओविसीआइसँग खरिद सम्झौता गरेको र सोही सामान एक महिना अगाडि २६५.४८ रहेको र प्रस्ताव न्युनतम ६ सय ४८ परेकोमा खरिद नगरेको देखिएको छ।
• सार्वजनिक निकायको एक वर्षभित्र गरिने खरिदको लागत अनुमान एकै मूल्यमा हुनुपर्नेमा एक महिनाअघि थर्मोमिटर खरिद गर्दा ४ हजार रुपैयाँ कायम गरेको र ओविसीआईसँग भने ७५ सयमा खरिद सम्झौता गरेको।
• ओविसीआईको कार्य सम्पादन जमानत जफत गर्न बैंकलाई पत्राचार गरेको तर जफत भए–नभएको जानकारी प्राप्त नभएको, कम्पनीले सम्झौताअनुसार खरिदमा पुर्यारएको क्षतिको असुल उपर नगरी उल्टै ओविसीआईले ल्याएको सामानको गुणस्तर परीक्षण नगरी मालसामान उपयोग गरि गैरकानुनी रूपम भुक्तानी दिएको बुझिएको।
• २०७७/१/२३ मा विज्ञ समितिका तर्फबाट दिएको प्रतिवेदनमा पिसिआर मेसिन स्वीकृत स्पेशिफिकेशन अनुसार नभएको, इनकमिङ इन्स्पेक्सन रिपोर्टमा थुप्रै कुराहरु नभएको देखाएको तर त्यसको वास्ता नगरी सामान लिएर वितरण गरेको।
सम्बन्धित समाचार
ओम्नी एक वर्षसम्म सरकारी ठेक्कापट्टामा सहभागी हुन नपाउने
अख्तियार र लेखा समितिले छानबिन गर्दागर्दै ओम्नी किन पुग्यो सर्वोच्च?
ओम्नीसँगको मेडिकल सामग्री खरिदबारे सार्वजनिक खरिद अनुगमनका प्रश्नैप्रश्न [रिपोर्टसहित]
यस्ता छन् मेडिकल सामग्री खरिदका 'खलपात्र' र उनीहरूको स्वार्थ-कथा
स्वास्थ्यमन्त्रीका सल्लाहकार कार्कीलाई लेखाको प्रश्न- ओम्नीसँगको खरिद प्रक्रियामा संलग्न हुने अधिकार कहाँबाट प्राप्त भयो?
स्वास्थ्य सामग्री खरिदमा भ्रष्टाचार : पैसा माग्दै ओम्नी पुग्यो सर्वोच्च, छलफलमा आउन आदेश
प्रधानमन्त्री मातहतकै सार्वजनिक खरिद अनुगमनले भन्यो- ओम्नीसँगको मेडिकल सामग्री खरिद कानुनविपरीत
मेडिकल सामग्री खरिदमा संलग्नहरू 'असिनपसिन', सांसदले यसरी पारे र्याखर्याख्ती
ओम्नीसँग मेडिकल सामग्री खरिदमा संलग्नले भने- भयावह समयको ख्याल गरौं
स्वास्थ्यमन्त्रीका सल्लाहकार कार्कीलाई लेखाको प्रश्न- ओम्नीसँगको खरिद प्रक्रियामा संलग्न हुने अधिकार कहाँबाट प्राप्त भयो?
ओम्नीसँगको सामग्री खरिदमा अर्को बदमासी, रकम भुक्तानी गरेपछि गुणस्तरको खोजी
ओम्नीसँग मेडिकल सामग्री खरिदमा सार्वजनिक लेखा समितिले देखेको प्रारम्भिक कमजोरी
ओम्नीसँगको खरिदमा लेखाले देख्यो अनियमितता नै अनियमितता, बचाउ गर्न सचिव र डिजीलाई हम्मे हम्मे
सार्वजनिक लेखा समितिले भन्यो- ओम्नीसँगको खरिद प्रक्रिया कानुन विपरीत
नेपाल एयरलाइन्सले अझै पाएन चीनबाट ओम्नीको मेडिकल सामग्री बोकेको भाडा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
