सुरक्षा/अपराध

‘तपस्वी’ रामबहादुर बम्जन पक्राउ

नेपाल लाइभ मंगलबार, पुस २४, २०८० १९:०१

काठमाडौं– तपस्वी रामबहादुर बम्जन पक्राउ परेका छन्।

प्रहरीको केन्द्रीय अनुसन्धान ब्यूरो (सीआईबी) उनलाई मंगलबार साँझ पक्राउ परेको हो।

उनलाई सीआईबीले बुढानिलकण्ठबाट पक्राउ गरेको बताइएको छ। बम्जन बाराको हलखोरिया जंगलमा तपस्या गरेर चर्चामा आएका थिए।

पक्राउ परेका बम्जनविरुद्ध आफ्नै आश्रमकी आनीलाई बलात्कार गरेको अभियोग छ। उनीविरुद्ध अदालतमा २०७७ असारमै मुद्दा दर्ता भएको थियो।

जिल्ला सरकारी वकिल कार्यालय, सर्लाहीले २०७७ असार १९ गते जिल्ला अदालतमा जबरजस्तीकरणी मुद्दा दायर गरेको थियो। पटक पटकको पक्राउ प्रयास असफल भएपछि फरार प्रतिवादी बनाएर मुद्दा दायर गरिएको थियो।

१४ वर्षसम्म कैद सजाय माग दाबीसहित मुद्दा दायर गरिएको थियो। सीआईबीको टोलीले उनलाई आज साँझ काठमाडौंको बुढानिलकण्ठबाट पक्राउ गरेको हो।

सीआईबीको टोलीलाई देखेपछि बसिरहेको घरको माथिल्लो तलाबाट भाग्नका लागि हामफाले पनि उनी सफल नभएको र नियन्त्रणमा आएको सीआईबीले जनाएको छ।

यो पनि पढ्नुहोस

रामबहादुर बम्जनविरुद्ध मुद्दा दायर,१४ वर्षसम्म कैद सजाय माग

बम्जनबाट बलात्कृत किशोरीको बयान : सहनै नसकेपछि आत्महत्या गर्न खोजें

सिन्धुलीको आश्रममा भेटिएनन् बम्जन, अन्य आश्रममा पनि खोजी सुरु

'लिटिल बुद्ध' दाबी गर्ने बम्जनको आश्रममा १० घण्टा प्रहरीको 'सर्च अपरेसन', नतिजा रित्तै

असफल अपरेसनको अन्तरकथा : तालिमप्राप्त कुकुरदेखि अत्याधुनिक मेसिनसम्म फेल

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एकैदिन तोलामा १६ सय रूपैयाँले बढ्यो सुनको मूल्य

रवि लामिछाने अदालतमा उपस्थित, थुनछेक बहस आजै

भरियाले धानेकोे खुम्बु क्षेत्रको ढुवानी