क्वालालम्पुर– मलेसियाका पुर्वप्रधानमन्त्री नाजिब रजाकले आफ्टो पार्टी र गठबन्धन निर्वाचनमा पराजीत भएकाले पार्टी र गठबन्धनको प्रमुख पदबाट राजीनामा दिएका छन्।
निर्वाचनमा पार्टी र गठबन्धन पराजीत हुनु नेतृत्वकर्ताको हैसियतले आफ्नो मुख्य कमजोरी भएको बताउदै उनले पार्टीको अध्यक्ष र गठबन्धनको सभापति पदबाट शनिबार राजीनामा दिएको घोषणा गरेका हुन्।
‘युएमएनओको अध्यक्ष र बारिसान नेशनलको सभापति पदबाट मैले राजीनामा दिने निर्णय गरेको छु। अब नयाँ नेता आएर यसलाई प्रभावकारी बनाउनुपर्छ।,’ क्यावालम्पुरमा आयोजित पत्रकार सम्मेलनमा उनले भने।
निर्वाचनमा आफ्नो पार्टी र गठबन्धनले पराजय भोगेकाले आफूले राजीनामा दिनु आफ्नो नैतिक जिम्मेवारी भएको उनले पत्रकारहरुसँग बताए।
नाजिब सन् २००९ देखि केहीदिन अगाडीसम्म मलेसियाको प्रधानमन्त्री थिए। यस अवधिमा उनले शक्तिको दुरुपयोग गरेको र भ्रष्टाचार गरेको आरोप लगाइएको थियो।
उनले भ्रष्टाचार गरेको र पदीय शक्तिको दुरुपयोग गरेको आरोपकै कारण हालै भएको निर्वाचनमा उनको पार्टी र गठबन्धन पराजीत भएको हो।
यही आरोपमा नयाँ सरकारले नाजिब र उनको परिवारका सदस्यहरूलाई देश छाड्न प्रतिबन्ध पनि लगाएको छ। मलेसियाको आप्रवासन विभागले पराजयपछि सत्ताबाट बाहिरिएका पुर्वप्रधानमन्त्री रजाकलाई देश छाड्न प्रतिबन्ध लगाइएको शनिबार जानकारी दिएको थियो।
यस निर्वाचनमा पकातन हरपन गठबन्धनले बहुमत ल्याएर गठबन्धनका नेता तथा पुर्व प्रधानमन्त्री माहाथिर मोहमदको नेतृत्वमा नयाँ सरकार पनि गठन गरिसकेको छ। रासस/सिन्ह्वा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766673313.png)
-1764146706.png)
-1766648928.png)
-1763721444.png)
