अङ्कारा- सिरियाको उत्तरपश्चिमी भूभागमा पर्ने आफ्रिन प्रान्तमा ६ जना टर्किस सैनिक मारिएका छन्। मंगलबार बिहान भएको एक झडपमा परी उनीहरुको मृत्यु भएको हो।
सो क्षेत्रमा स्थानीय विद्रोही र टर्किस सैनिकबीच भिडन्त भएको थियो।
टर्कीको सेनाले प्रकाशन गरेको विज्ञप्तिअनुसार सेनाको ‘ओपसन ओलिभ ब्रान्च’ले आफ्रिनमा सुरु गरेको कारबाहीमा ५० सैनिकले ज्यान गुमाइसकेका छन्। सो क्षेत्रमा केही दिनयता टर्कीको सेनाले हवाई कारबाही पनि गर्ने गरेको समाचारमा जनाइएको छ।
सिरियामा केही दिनअघि मात्र अमेरिकी नेतृत्वमा फ्रान्स र बेलायती सेनाले पनि आक्रमण गरेको थियो। तर सो आक्रमण कतै लक्षित नभई सिरियाली सैनिकले भण्डारण गरेको भनिएको रासायनिक हतियारको भण्डारणस्थलमा केन्द्रित भएको अमेरिकी अधिकारीले जनाएका छन्।रासस/सिन्ह्वा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
