घुस लिएको आरोपमा चिनियाँ कम्युनिष्ट पार्टीका पूर्व पोलिटब्युरो सदस्यलाई आजीवन कारावासको सजाय

समाचार

नेपाल लाइभ मंगलबार, वैशाख २५, २०७५ ०८:५०

बेइजिङ– चिनियाँ कम्युनिष्ट पार्टीका पूर्व उच्च अधिकारीलाई घुस लिएको अभियोगमा आजीवन कारावासको सजाय सुनाइएको छ। पार्टीका पूर्व पोलिटब्युरो सदस्य सुन जेङसाइले २६ दशमलब ७ मिलियन अमेरिकी डलर घुस लिएको प्रमाणीत भएपछि सो फैसला सुनाइएको हो।

जेङसाइ राष्ट्रपति सि जिनपिङको भ्रष्टाचारविरुद्धको अभियानअन्तर्गत कारबाहीमा पर्ने पछिल्ला उच्च अधिकारी हुन्। ५४ वर्षीय जेङसाइ चोङक्विङ नगरका पार्टी प्रमुख समेत थिए। उनीमाथि गत अप्रिलमा घुस लिएको आरोप लागेको थियो।

चीनको राज्य नियन्त्रित समाचार संस्था सिन्ह्वाका अनुसार जेङसाइले अवैधानिक तवरबाट कमाएको सबै सम्पती जफत गरिनेछ।

चीनमा मौलाउँदै गइरहेको भ्रस्टाचारविरुद्ध राष्ट्रपति सि जिनपिङले देशव्यापी रुपमा नै अभियान चलाएका छन्। उनी शक्तिमा आएपछि हालसम्म १० लाखभन्दा बढी पार्टीका नेता तथा कार्यकर्ताहरु कारबाहीमा परिसकेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

युवा संघकाे अध्यक्षका लागि क्षितिज थेबेद्बारा मनोनयन दर्ता

कोशी प्रदेश सरकारको नीति तथा कार्यक्रम पारित

रास्वपाले स्वीकृत गर्‍यो सुमनाको राजीनामा