वासिङ्टन- अमेरिकी राष्ट्रपति डोनाल्ड ट्रम्पले इरानसँगको पारमाणविक सम्झौताको विषयमा मंगलबार साँझसम्ममा निर्णय गर्ने भएका छन्। यसअघि उनले इरानसँगको सो सम्झौता खारेज गरिने बताउँदै आएका थिए।
पारमाणविक सम्बन्धका प्रतिबन्धहरु खुकुलो गर्ने सर्तमा आफ्ना पारमाणविक गतिविधि बन्द गर्ने वाचा गरिएको भनिएको इरान र विश्वका शक्तिराष्ट्रबीच भएको उक्त अन्तर्राष्ट्रिय सहमतिको राष्ट्रपति ट्रम्पले विरोध गर्दै आएका छन्। तर अरु पारमाणविक शक्तिसम्बन्धी सम्झौताका हस्ताक्षरकर्ता बेलायत, फ्रान्स र जर्मनीले भने अमेरिका सो सहमतिबाट पछि हट्न नहुने भन्दै आएका छन्।
फ्रान्सका विदेशमन्त्रीले सोमबार नै आफूहरू उक्त सम्झौताको पक्षमा नै रहने जानकारी दिएका छन्। उनले अमेरिकाको निर्णय जे जस्तो आए पनि आफूहरु सहमतिकै पक्षमा रहिरहने स्पष्ट पारेका छन्।
त्यसैगरी ब्रटिस विदेशमन्त्रीले पनि उक्त सहमति नतोड्न अमेरिकालाई आग्रह गरेका छन्। हाल वासिङ्टनमा रहेका विदेशमन्त्री बोरिस जनसनले अमेरिकी सञ्चारमाध्यमहरुमार्फत सम्झौता खारेज नगर्न आग्रह गरेका छन्। यस सम्झौता नतोड्न अमेरिकालाई सहमत गराउने प्रयासमा युरोपेली देशहरू पनि लागिरहेको बताइएको थियो। तर त्यसको परिणाम भने सकारात्मक नरहने देखिएको बताइन्छ।
अमेरिकाले उक्त सहमति खारेज गरे पनि आफूहरु भने उक्त सम्झौतामा अडिग रहने कुरा युरोपेली देशहरुले बताइरहेका बेला इरानले पनि सोही अडान राखेको छ। इरानले अमेरिकाले यदि उक्त सम्झौता खारेज गर्यो भने उसले यसअघि कहिल्यै पनि नसोचेको समस्याको सामना गर्नुपर्ने चेतावनी दिएको छ।रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
