प्रधानमन्त्री अब्बासीले भने– पाकिस्तानी निर्वाचन एलियनद्वारा गराइने छ

समाचार

नेपाल लाइभ आइतबार, वैशाख २३, २०७५ ००:४४

इस्लामावाद– पाकिस्तानका प्रधानमन्त्री शाहिद खकान अब्बासीले पाकिस्तानमा हुन गइराखेको आम निर्वाचन ‘एलियन’ शक्तिबाट गराइने बताएका छन्।

पाकिस्तानी डन न्यूजले प्रधानमन्त्री अब्बासीको शब्दलाई उद्धृत गर्दै भनेको छ, ‘पाकिस्तानको निर्वाचन आयोगले प्रधानमन्त्रीलाई ‘गैरजिम्मेवार भनाइहरू’ नदिन कडा दबाब दिएपछि प्रधानमन्त्रीले निर्वाचन ‘एलियन’ ले गराउने बताउनुभएको छ।’

निर्वाचन प्रक्रियालाई लिएर पाकिस्तानी अधिकारीबाट ‘एन्जल’ र ‘अदृश्य शक्ति’ ले निर्वाचन गराउने भन्ने भनाइहरू यस अघि आएका भए पनि ‘एलियन’द्वारा गराउने भन्ने भनाइ नयाँ भएको डनले जनाएको छ।

प्रधानमन्त्रीबाट आएको भनाइले निर्वाचन पारदर्शी नहुने सङ्केत सरकारले महशुस गरेको बुझ्न सकिन्छ।

अब्बासीको ‘एलियनले निर्वाचन गर्दैछन्’ भन्ने भनाइ भ्रष्टाचार आरोपपछि प्रधानमन्त्री रहन अयोग्य घोषणा गरिएका पूर्वप्रधानमन्त्री नवाज सरीफले दुई दिन पहिले व्यक्त गरेको भनाइसँग मिल्दोजुल्दो देखिएको छ।

अब्बसीले भने,‘हाम्रो प्रतिस्पर्धा पाकिस्तानी पिपुल्स पार्टी (पीपीपी)का सहअध्यक्ष असिफ अलि जर्दारी र पाकिस्तान तेहरीक–आई–इन्साफका अध्यक्ष इमरान खानसँग नभइ एलियन्ससँग हुँदैछ।’

‘निर्वाचन विदेशी (एलियन) शक्तिले गराउने छ तर पनि पाकिस्तान मुश्लिम लिग–नवाज (पिएमएल–एन)ले सहभागीता जनाउने छ,’ प्रधानमन्त्री अब्बासीले भने। प्रतिनिधि सभाका सभामुख सरदार आयाज सद्दिकले पाकिस्तानी तल्लो सदनका सदस्यलाई दिएको स्वागत समारोहमा सञ्चारकर्मीसँगको अनौपचारिक कुराकानीमा खकानीले यस्तो बताएका हुन्।

यसैबीच पाकिस्तानको निर्वाचन आयोगका प्रवक्ता अल्ताफ खानले भने निर्वाचन आयोगलाई दिइएको आदेश अनुसार संविधानको धारा २१८ अन्तर्गत रहेको निर्वाचन ऐन २०१७ ले निर्दिष्ट गरेको कानून अनुसार निर्वाचन गराइने बताए।

उनले निर्वाचन आयोग आफ्ना कानूनी तथा संवैधानिक कर्तव्य पूरा गर्न पूर्णतया स्वतन्त्र रहेको प्रष्ट पारे।

तर तेहरीक–आई–इन्साफका अध्यक्ष खानले भने सरकारको मर्यादित पदमा रहेको व्यक्तिले यस किसिमको गैरजिम्मेवार भनाइ राख्नु नहुने तर्क गरे। उनले भने,‘सत्ताधारी दलबाट आएका यस्ता आधारहिन अभिव्यक्तिले संविधानलाई खतरामा पार्न सक्छन्।’ रासस/पिटीआई

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

नागरिकमाथि गोली प्रहार गर्नु माओवादी हिंसाको चरम कायरता थियो : सिटौला

भिजिट भिसा प्रकरण : आरोप साँचो सावित भए मन्त्री पदमात्र होइन, राजनीति नै छोड्छुः गृहमन्त्री लेखक

रास्वपाद्वारा गृहमन्त्री लेखकको राजीनामा माग