• गृहपृष्ठ
  • मुख्य समाचार
  • नेपाल लाइभ

    • राजनीति
    • निर्वाचन विशेष
    • अनुसन्धान
    • प्रवास
    • विचार
    • फिचर
    • समाचार
    • ब्लग
    • समाज
    • अन्तर्वार्ता
    • सुरक्षा/अपराध
    • साहित्य डबली
    • विश्व
    • कोरोना अपडेट
    • नेपाल लाइभ विशेष
    • जीवनशैली
    • भिडियो

    बिजनेस लाइभ

    • अर्थ समाचार
    • बैंक/बिमा/सेयर
    • पर्यटन-उड्डयन
    • अटो
    • पूर्वाधार
    • श्रम-रोजगार
    • कृषि
    • कर्पोरेट
    • सूचना-प्रविधि
    • बिजनेस लाइभ भिडियो
    • बिजनेस टिप्स
    • अन्तर्वार्ता - विचार

    इन्टरटेनमेन्ट लाइभ

    • समाचार
    • सिनेमा
    • अन्तर्वार्ता
    • रंगमञ्च
    • फिल्म समीक्षा
    • गसिप
    • संगीत
    • विचार-विश्लेषण
    • इन्टरटेनमेन्ट लाइभ भिडियो
    • सञ्जाल
    • फेसन
    • मोडल

    स्पोर्टस लाइभ

    • फिचर
    • फुटबल
    • क्रिकेट
    • अन्य
    • लेख-विश्लेषण
    • अन्तर्वार्ता
हाम्रो बारेमा
  • हाम्रो बारेमा
शुक्रबार, मंसिर ४, २०८३ Fri, Nov 20, 2026
  • गृहपृष्ठ गृहपृष्ठ
  • राजनीति
  • निर्वाचन विशेष
  • अनुसन्धान
  • बिजनेस लाइभ
  • इन्टरटेन्मेन्ट लाइभ
  • स्पोर्टस लाइभ
  • प्रवास
  • भिडियो

बिजनेस लाइभ

  • अर्थ समाचार
  • बैंक/बिमा/सेयर
  • पर्यटन-उड्डयन
  • अटो
  • पूर्वाधार
  • श्रम-रोजगार
  • कृषि
  • कर्पोरेट
  • सूचना-प्रविधि
  • अन्य
    • बिजनेस लाइभ भिडियो
    • बिजनेस टिप्स
    • अन्तर्वार्ता - विचार

इन्टरटेन्मेन्ट लाइभ

  • समाचार
  • सिनेमा
  • अन्तर्वार्ता
  • रंगमञ्च
  • फिल्म समीक्षा
  • गसिप
  • संगीत
  • विचार-विश्लेषण
  • इन्टरटेनमेन्ट लाइभ भिडियो
  • अन्य
    • सञ्जाल
    • फेसन
    • मोडल

स्पोर्टस लाइभ

  • मुख्य समाचार
  • फिचर
  • फुटबल
  • क्रिकेट
  • अन्य
  • लेख-विश्लेषण
  • अन्तर्वार्ता
जीवनशैली

भारतमा घट्यो क्यान्सरका औषधिको मूल्य, नेपालमा के होला ?

64x64
नेपाल लाइभ शनिबार, कात्तिक १४, २०८३  ०८:५६
1140x725

काठमाडौं। भारत सरकारले क्यान्सरका औषधिमा व्यापारिक मार्जिन नियन्त्रण गर्ने निर्णय गरेपछि त्यहाँ घटेको औषधिको मूल्य नेपालमा पनि घट्ने भएको छ।

नेपालमा क्यान्सरका औषधिका प्रमुख आयातकर्तामध्येको एक कम्पनी यतिकेम डिस्ट्रिब्युटर्सका कार्यकारी अध्यक्ष प्रभुराज वैद्यले भारतमा मूल्य घटेका औषधि नेपालमा पनि सस्तो हुने बताएका छन्।

उनका अनुसार भारतबाट आयात हुने औषधिको मूल्य घटेर आएपछि नेपालमा पनि सोहीअनुसार नयाँ मूल्य लागू हुनेछ। ‘भारतमा मूल्य घटेका औषधिको लाभ नेपाली बिरामीले पनि पाउँछन्,’ वैद्यले भने, ‘तर भारतबाटै घटेको मूल्यमा औषधि आउन थालेपछि मात्रै नेपालमा पनि नयाँ मूल्य लागू हुन्छ।’

भारतमा अबको दुई साताभन्दा कम समयमै केही क्यान्सरका औषधिको मूल्य ठूलो मात्रामा घट्ने भएको छ। केही औषधि ९० प्रतिशतभन्दा बढी सस्तो हुने भए पनि पछिल्लो समय बिरामीले प्रयोग गरिरहेका नयाँ औषधिको मूल्यमा भने कुनै परिवर्तन नहुने देखिएको छ।

भारतको औषधि मूल्य नियामक निकाय नेसनल फार्मास्युटिकल प्राइसिङ अथोरिटी (एनपीपीए) ले सार्वजनिक गरेको विवरणअनुसार, हाल ४० हजार ४२१ भारतीय रुपैयाँ पर्ने पाल्बोसिक्लिब क्याप्सुलको एक ब्रान्डको मूल्य घटेर २ हजार ७२० रुपैयाँ कायम हुनेछ। त्यस्तै, हाल ८० हजार ७२ रुपैयाँ पर्ने थायोटेपा इन्जेक्सनको मूल्य घटेर ७ हजार १५० रुपैयाँमा झर्नेछ।

तर फोक्सोको क्यान्सरमा प्रयोग हुने ओसिमर्टिनिबजस्ता नयाँ औषधिको मूल्य भने यथावत् रहनेछ। हाल ३० वटा ओसिमर्टिनिब ट्याब्लेटको एक प्याकेटलाई ४ लाख १६ हजार भारतीय रुपैयाँ पर्ने गरेकोमा नोभेम्बर ९ पछि पनि सोही मूल्य कायम रहनेछ।

एनपीपीएले अक्टोबर २७ सम्म औषधि उत्पादक कम्पनीहरूले उपलब्ध गराएको विवरणका आधारमा ५४३ ब्रान्ड तथा प्याकेजको पुरानो र संशोधित अधिकतम खुद्रा मूल्य (एमआरपी) सार्वजनिक गरेको हो।

भारत सरकारले के निर्णय गरेको हो?
भारत सरकारले अक्टोबर १७ मा प्रत्यक्ष सरकारी मूल्य नियन्त्रणमा नरहेका १३७ प्रकारका क्यान्सरका औषधिमा व्यापारिक मार्जिन अधिकतम ३० प्रतिशत कायम गर्ने निर्णय गरेको थियो। यसलाई ट्रेड मार्जिन र्‍यासनलाइजेसन (टीएमआर) भनिन्छ।

Ncell 2
Ncell 2
nimb
nimb

व्यापारिक मार्जिन भन्नाले औषधि उत्पादक कम्पनीले थोक विक्रेता वा वितरकलाई बेच्ने मूल्य र बिरामीले औषधि खरिद गर्दा तिर्नुपर्ने अधिकतम खुद्रा मूल्यबीचको अन्तरलाई जनाउँछ। सरकारले अधिकतम खुद्रा मूल्यको ३० प्रतिशतमा व्यापारिक मार्जिन सीमित गर्दा वितरकलाई बेच्ने मूल्यको तुलनामा यो वृद्धि ४२.८६ प्रतिशत बराबर हुन्छ।

यो व्यवस्था पेटेन्ट प्राप्त औषधिमा समेत लागू हुने बताइएको छ। नयाँ मूल्य नोभेम्बर ९ देखि लागू हुनेछ। सरकारले यस निर्णयबाट केही औषधिको मूल्य ७० प्रतिशतसम्म घट्न सक्ने जनाएको थियो।

तर एनपीपीएको तथ्यांकअनुसार मूल्य घट्ने औषधिको संख्या र परिमाण सरकारको अनुमानभन्दा पनि बढी देखिएको छ।

सार्वजनिक गरिएको ५४३ औषधि तथा प्याकेजमध्ये ३९७ वटाको मूल्य घट्नेछ भने १४६ वटाको मूल्यमा कुनै परिवर्तन हुनेछैन। कुलमध्ये ९७ वटा अर्थात् झन्डै पाँचमध्ये एक औषधिको मूल्य ७० प्रतिशत वा त्योभन्दा बढी घट्नेछ। त्यस्तै, ५० वटा औषधिको मूल्य ८० प्रतिशत वा सोभन्दा बढी र पाँचवटाको मूल्य ९० प्रतिशतभन्दा बढी घट्ने देखिएको छ।

max tiger cn

max tiger cn
tvs-dashain-2083

tvs-dashain-2083

कुन-कुन औषधिको मूल्य घट्दै छ?
रगतको क्यान्सरमा प्रयोग हुने ड्यासाटिनिब ७० मिलिग्रामका ६० वटा ट्याब्लेटको मूल्य १७ हजार ८११ भारतीय रुपैयाँबाट घटेर १ हजार ८०८ रुपैयाँमा झर्नेछ। डाइरोनिब ब्रान्डको यो औषधिको मूल्यमा ठूलो गिरावट आउन लागेको हो।

त्यस्तै, प्रोस्टेट क्यान्सरमा प्रयोग हुने एबिराटेरोन २५० मिलिग्रामका १२० वटा ट्याब्लेटको मूल्य ३६ हजार ८९ रुपैयाँबाट घटेर ४ हजार ६४ रुपैयाँ कायम हुनेछ। एबिराट ब्रान्डको उक्त औषधि अब पहिलेको तुलनामा निकै सस्तो हुनेछ।

त्यसैगरी, ४०० मिलिग्रामको बेभासिजुम्याब इन्जेक्सनको मूल्य ६५ हजार २०५ रुपैयाँबाट घटेर ८ हजार ९५७ रुपैयाँमा झर्नेछ।

यी औषधिहरू विभिन्न कम्पनीले फरक–फरक ब्रान्डमा उत्पादन तथा बिक्री गर्ने गरेका छन्।


नयाँ र महँगा क्यान्सर औषधिको मूल्य भने यथावत्
सरकारको निर्णयले पुराना तथा धेरै ब्रान्डमा उपलब्ध औषधिको मूल्य घटाए पनि नयाँ र महँगा औषधि प्रयोग गरिरहेका बिरामीलाई भने तत्काल राहत नपुग्ने देखिएको छ।

एनपीपीएको विवरणमा ओसिमर्टिनिब, एलेक्टिनिब, ट्रेमेलिमुम्याब, डोस्टार्लिम्याब, इभोसिडेनिब, सेलुमेटिनिब र पेम्ब्रोलिजुम्याबजस्ता औषधिको मूल्यमा कुनै परिवर्तन भएको छैन। यीमध्ये धेरै औषधि पेटेन्ट संरक्षणअन्तर्गत रहेका औषधि हुन्।

विवरणअनुसार फोक्सोको क्यान्सरमा प्रयोग हुने ओसिमर्टिनिब (ट्याग्रिसो) को मूल्य ४ लाख १६ हजार भारतीय रुपैयाँ नै कायम रहनेछ। त्यस्तै, एलेक्टिनिब (एलेसेन्सा) को मूल्य ४ लाख ३१ हजार रुपैयाँ रहनेछ।

क्यान्सर उपचारमा प्रयोग हुने ट्रेमेलिमुम्याब (इम्जुडो) ३०० मिलिग्रामको इन्जेक्सनको मूल्य ४ लाख १८ हजार रुपैयाँ र डोस्टार्लिम्याब (जेम्पर्ली) ५०० मिलिग्रामको इन्जेक्सनको मूल्य ३ लाख ९१ हजार रुपैयाँ यथावत् रहनेछ।

त्यसैगरी, इभोसिडेनिब (टिब्सोभो) २५० मिलिग्रामका ६० वटा ट्याब्लेटको मूल्य ६ लाख ५८ हजार रुपैयाँ र सेलुमेटिनिब (कोसेलुगो) २५ मिलिग्रामका ६० वटा क्याप्सुलको मूल्य १० लाख २२ हजार रुपैयाँ कायम रहनेछ।

पेम्ब्रोलिजुम्याब (किट्रुडा) को १०० मिलिग्रामको एउटा भायलको मूल्य पनि २ लाख १७ हजार रुपैयाँ नै रहनेछ।

प्रकाशित मिति: शनिबार, कात्तिक १४, २०८३  ०८:५६

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्
64x64
नेपाल लाइभ
Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com
लेखकबाट थप
एसिया कप राइजिङ स्टार्स: भारत ‘ए’विरुद्ध नेपालले फिल्डिङ रोज्यो
भारतमा बालेनको एक दिन : के–के गर्नेछन् ?
डिजिटल सुरक्षाका लागि नीति र कानुन बनाउने सरकारको योजना
सम्बन्धित सामग्री
भारतमा घट्यो क्यान्सरका औषधिको मूल्य, नेपालमा के होला ? भारत सरकारले क्यान्सरका औषधिमा व्यापारिक मार्जिन नियन्त्रण गर्ने निर्णय गरेपछि त्यहाँ घटेको औषधिको मूल्य नेपालमा पनि घट्ने भएको छ। शनिबार, कात्तिक १४, २०८३
झरीले काठमाडौंको जनजीवन प्रभावित वर्षाका कारण सर्वसाधारणको आवतजावत र दैनिक कामकाजमा असहजता थपिएको छ । वर्षासँगै मौसम चिसोसमेत बनेको छ । शुक्रबार, कात्तिक १३, २०८३
मोजाभित्र प्याज राखेर सुत्दा ज्वरो निको हुन्छ? के भन्छ विज्ञान ‘यदि रुघाखोकी लागेको छ भने प्याजलाई गोलो काटेर मोजाभित्र राख्नुस् र त्यो मोजा लगाएर रातभर सुत्नुस्।’ शनिबार, असोज २४, २०८३
ताजा समाचारसबै
एसिया कप राइजिङ स्टार्स: भारत ‘ए’विरुद्ध नेपालले फिल्डिङ रोज्यो शुक्रबार, मंसिर ४, २०८३
भारतमा बालेनको एक दिन : के–के गर्नेछन् ? शुक्रबार, मंसिर ४, २०८३
डिजिटल सुरक्षाका लागि नीति र कानुन बनाउने सरकारको योजना शुक्रबार, मंसिर ४, २०८३
निर्वाचन निष्पक्ष बनाउने जिम्मेवारी सरकारको हो, आयोगको मात्रै होइन : गगन शुक्रबार, मंसिर ४, २०८३
ज्ञानेन्द्र शाहीले राप्रपा अध्यक्षमा उम्मेदवारी दिने शुक्रबार, मंसिर ४, २०८३
सबै हेर्नुहोस
भिडियो ग्यालरीसबै
नेपाली कांग्रेस देउवा पक्षको राष्ट्रिय भेला (लाइभ)
नेपाली कांग्रेस देउवा पक्षको राष्ट्रिय भेला (लाइभ) शुक्रबार, साउन २९, २०८३
जरुरी सम्बोधनको बाध्यता किन? कांग्रेस बैठकमा विश्वप्रकाश शर्मा बोल्दै (लाइभ)
जरुरी सम्बोधनको बाध्यता किन? कांग्रेस बैठकमा विश्वप्रकाश शर्मा बोल्दै (लाइभ) शुक्रबार, साउन २९, २०८३
शेरबहादुर देउवा स्वदेश फर्किनुअघि विमानस्थलमा नेताकार्यकर्ताहरूकाे भीड
शेरबहादुर देउवा स्वदेश फर्किनुअघि विमानस्थलमा नेताकार्यकर्ताहरूकाे भीड बिहीबार, साउन २८, २०८३
लेखा समितिको बैठक (लाइभ)
लेखा समितिको बैठक (लाइभ) बुधबार, साउन २७, २०८३
राष्ट्रिय सभा बैठक (लाइभ)
राष्ट्रिय सभा बैठक (लाइभ) बुधबार, साउन २७, २०८३
सबै हेर्नुहोस
ट्रेण्डिङ
आईजीपी विवाद :  प्रहरी महानिरीक्षक बढुवासम्बन्धी रिटको शब्दावली सर्वोच्चबाट संशोधन शुक्रबार, मंसिर ४, २०८३
नेपाल सरकारका पूर्व मुख्यसचिव एक नारायण अर्याल पक्राउ शुक्रबार, मंसिर ४, २०८३
आफैँलाई गोली हानेका न्यायाधीशका पीएसओकाे उपचारका क्रममा मृत्यु शुक्रबार, मंसिर ४, २०८३
स्थानीय तहको निर्वाचन वैशाख र प्रदेशको निर्वाचन मंसिरमा गर्ने प्रस्ताव शुक्रबार, मंसिर ४, २०८३
यस्ता छन् मन्त्रिपरिषद्का सात निर्णय शुक्रबार, मंसिर ४, २०८३
सबै हेर्नुहोस
अन्तर्वार्ता
लुम्बिनी लायन्सलाई अझ बलियो बनाउँदै नेपाली क्रिकेटमा योगदान दिन चाहन्छौँ : अध्यक्ष जिसी नेपाल लाइभ
दरबारको दशैं सधैं सम्झिरहन्छु : आनन्द कार्की [दशैं वार्ता] नेपाल लाइभ
दशैंमा स्वास्थ्यको ख्याल राखौं, सन्तुलित खाना खाउँ नेपाल लाइभ
सबै हेर्नुहोस
विचारसबै
विश्वशक्ति सहअस्तित्व र भाइचारातर्फ, कूटनीतिक इतिहासमा एउटा असाधारण दृश्य नेपाल लाइभ
छठ घाटमा राजनीतिक उपस्थिति : ‘भक्ति’ कि ‘शक्ति’ को खोजी धर्मेन्द्र झा
रावणका दश शिरदेखि लुसिफरको पतनसम्मः नेपालको राजनीतिमा शक्ति र अहंकार सुरेश गिरी
लोकपर्व छठ र यसका विभिन्न महत्वहरु आनन्द अस्तित्व
सबै हेर्नुहोस
ब्लग
आईजीपी प्रकरणः दोहोरिएला रुक्मांगद कटवाल काण्ड? शनिबार, कात्तिक २८, २०८३
राइड शेयरिङमा मनपरी भाडा र असमान प्रतिस्पर्धा शनिबार, कात्तिक २८, २०८३
भिन्तुना आन्दोलनः म्हपुजाको दिन प्रधानमन्त्री उपस्थित भएको त्यो क्षण मंगलबार, कात्तिक २४, २०८३
सबै हेर्नुहोस
लोकप्रिय
बसबरिया गाउँपालिकाका अध्यक्ष पक्राउ बुधबार, मंसिर २, २०८३
विरोध हुँदाहुँदै सूचना प्रकाशन शनिबार, कात्तिक २८, २०८३
आईजीपी पुनर्बहालीका लागि सर्वोच्चको इजलासमा बहस, दानबहादुर कार्कीलाई आजै काममा फर्काउने आदेश गर्न वरिष्ठ अधिवक्ताहरूको जोडबल बुधबार, मंसिर २, २०८३
पृथ्वी राजमार्गसहित दुई सडकखण्ड अवरुद्ध शनिबार, कात्तिक २८, २०८३
बझाङमा अटो दुर्घटना अपडेट: मृत्यु हुनेको संख्या ४ पुग्यो, चालक नियन्त्रणमा सोमबार, कात्तिक ३०, २०८३
सबै हेर्नुहोस
Nepal Live
Nepal Live

सम्पर्क ठेगाना

Nepal Live Publication Pvt. Ltd.,
Anamnagar, Kathmandu, Nepal

DEPARTMENT OF INFORMATION
AND BROADCASTING
Regd Number :

1568/ 076-077
अध्यक्ष : अनिल न्यौपाने
प्रधान सम्पादक : राम प्रसाद दाहाल

टेलिफोन

News Section: +977-1-5705056
Account : +977-1-5705056
Sales & Marketing: 9841877998 (विज्ञापनका लागि मात्र)
Telephone Number: 01-5907131

ईमेल

[email protected]
[email protected]

मेनु

  • गृहपृष्ठ
  • मुख्य समाचार
  • बिजनेस लाइभ
  • ईन्टरटेनमेन्ट लाइभ
  • स्पोर्टस लाइभ
  • महाधिवेशन विशेष
  • अभिलेख
  • कोरोना अपडेट
  • स्थानीय निर्वाचन
  • प्रतिनिधि सभाकाे निर्वाचन
  • युनिकोड
Nepal Live

सूचना विभाग दर्ता नं.

१५६९/०७६-७७

ईमेल

[email protected]
© 2026 Nepal Live. All rights reserved. Site by: SoftNEP
सर्च गर्नुहोस्