नयाँ दिल्ली– भारतको बिहारमा बिहीबार भएको बस दुर्घटनामा परी २७ जनाको मृत्यु भएको छ।
भारतीय समाचार दैनिक ‘द टाइम्स अफ इन्डिया’ले लेखेको समाचार अनुसार घटनामा अन्य ४ जना घाइते भएका छन्। दुर्घटनामा परेपछि बसमा अागाे लागेकाे थियाे।
मुजफ्फरपुरबाट नयाँ दिल्लीतर्फ आउँदै गरेको बस मोतीहारी जिल्लाको बेल्वा गाँउ नजिकै दुर्घटनामा परेको हो। बिहार राज्यका प्रकोप व्यवस्थापन मन्त्री दिनेशचन्द्र यादवले बस दुर्घटनामा परी २७ जनाको मृत्यु भएको पुष्टि गरेका छन्।
भारतमा सवारी दुर्घटनाकै कारण हरेक वर्ष हजारौँ नागरिकको ज्यान जाने गरेको छ भने ठूलो सङ्ख्यामा घाइते हुने गरेका छन्।
राम्रो अवस्थामा नरहेका सडक र सवारी साधन तथा चालकको लापर्बाहीका कारण दुर्घटना धेरै हुने गरेको जानकारहरू बताउछन्। रासस/सिन्ह्वा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1773643707.png)
