काठमाडौं-साढे १५ किलो नक्कली सुन र दुई वटा हतियार बरामद प्रकरणमा सुरुवाती आलोचना खेपेको प्रहरी अहिले सफल अपरेसनतर्फ उन्मुख भएको छ।
महानगरीय प्रहरी वृत्त दरबारमार्गका दुई प्रहरीको मिलेमतोमा नक्कली सुन र हतियार बरामद गरेर अभियुक्तलाई भगाएपछि प्रहरी आलोचित बनको थियो।
काठमाडौंबाट दिउँसै गाडीबाट मान्छे भाग्न सम्भव नहुने भन्दै अनुसन्धानमा जुटेको महानगरीय प्रहरी परिसर काठमाडौंले दरबारमार्गका सिपाही बहादुरसिंह कठायत र प्रशन्न श्रेष्ठले सुन बरामद भएको घटनास्थल पहिचान गरेको थियो। त्यसपछि अनुसन्धान गर्ने क्रममा परिसरको टोलीले नक्कली सुन तस्करी काण्डमा संलग्न भएको आरोप लागेका कौशल पटेललाई न्यूरोडबाट पक्राउ गरेको थियो।
त्यस्तै महानगरीय प्रहरी अपराध महाशाखाको टोलीले उक्त सुन काण्डमा संलग्न भएको आरोपमा नवलपरासीबाट निलेश खशिया, विजय पटेल र देवानसिंह पटेललाई पक्राउ गरेको थियो।
त्यस्तै उक्त घटनामा संलग्न भएको आरोपमा लागेका प्रहरी जवानद्वय बहादुरसिंह कठायत तथा प्रशन्न श्रेष्ठमाथि प्रहरी थुनामै राखेर फौजदारी अभियोगमा अनुसन्धान गरिरहेको छ।
उता परिसरकै सूचनाका आधारमा नक्कली सुन र पेस्तोल बोक्न प्रयोग भएको गाडीका धनी बाराका इल्ताफ हुसेन अन्सारी पक्राउ परेपछि सुरुवातमा आलोचित बनेको परिसर अहिले सफल अनुसन्धानतर्फ उन्मुख भएको हो। पर्सा प्रहरीले पक्राउ गरेका अन्सारीलाई लिन महानगरीय प्रहरी अपराध महाशाखाको टोली पर्सा गइसकेको छ।
‘एक-दुई सिपाहीको बदमासीका कारण पुरै प्रहरी युनिटलाई जोडेर बद्नाम गर्न खोजिएको थियो । अहिले एकपछि अर्को गरी धमाधम उक्त घटनामा संलग्न भएका अभियुक्त पक्राउ परेका छन् । यसलाई प्रहरीको सफलता मान्नुपर्छ,’महानगरीय प्रहरी परिसर काठमाडौंका एसएसपी श्याम ज्ञवालीले भने।
त्यस्तै नक्कली सुन र पेस्तोल बोक्न प्रयोग भएको गाडी पनि परिसकै टोलीले ललितपुरको नखिपोटबाट पक्राउ गरेको थियो ।
पटेल परिसरको लेन्सभित्र
नक्कली सुन तस्करका मुख्य योजानकार हुन् भारतीय नागरिक सञ्जय पटेल। सुन्धारामा प्रहरी जवान बहादुरसिंह कठायतलाई सुन र हतियार सुम्पिएपछि सञ्जय चढेको गाडी भागेको थियो। सञ्जयसँगै गाडीमा थिए बाराका इल्ताफ हुसेन अन्सारी। अन्सारी आजै बाराको निजगढबाट पक्राउ परेका छन् ।
तर अहिलेसम्म फरार रहेका सञ्जयको खोजीमा जुटेको महानगरीय प्रहरी परिसर काठमाडौले उनी काठमाडौंबाट भागेर भारत पुगिसकको विश्लेषण गरेको छ। सुन दिएपछि ललितपुर नखिपोटमा स्कfर्पियो राखेर फरार भएका सञ्जय केही दिन काठमाडौंमै लुकेर भारत छिरेको पाइएको प्रहरी स्रोतको दाबी छ। स्रोतले नेपाल लाइभसँग भन्यो, ‘फरार पटेल हाम्रो अनुसन्धान लेन्समै छन् । उनका गतिविधि पहिचान भइसकेको छ। ढिलोछिटो कानुनी दायरामा आउँछन् ।’
यस्तो थियो नक्कली सुन काण्ड
नक्कली सुन काण्डमा फरार रहेका मुख्य पात्र सञ्जय पटेलको योजना अनुसार चाँदीमा पहँलो जलप लगाएर सक्कली सुन भनेर बेच्ने योजना रहेको अहिलेसम्मको अनुसन्धानले देखाएको छ। सोही योजना अनुसार सञ्जयले यसको जिम्मा निलेश शखियालाई दिए। शखियाले काठमाडौंमै बस्ने पटेल दाजुभाई देवानसिंह र कौशललाई जलप लगाउने जिम्मा दिएका थिए। चाँदी खरिद र जलप लगाउन समेत पटेल दाजुभाइकाे केही रकम खर्च भएको थियो ।
ठूलो मात्रामा चाँदीलाई सुन बनाएर भारत लैजाने काम अवैधानिक थियो। यसैलाई मौका बनाएर प्रहरीसँग मिलेर लुट्ने र आधा-आधा बाँड्ने योजना देवानसिंहले बनाए ।
चिनजान भएका प्रहरी जवान बहादुरसिंह कठायतलाई कौशलले योजना सुनाए। त्यसवापत १५ लाख कठायतलाई दिन कौशल तयार भए। त्यसपछि उक्त सामान लुट्ने योजना बन्यो।
घटनाको अघिल्लो दिन साउन १२ गते साँझ क्वीक रेस्पोन्स भेइकल (सिआरभी)का चालक कठायतले महानगरीय प्रहरी वृत्त दरबारमार्गका सादा पोशाकका प्रहरी जवान प्रशन्न श्रेष्ठलाई ज्वेलरीका अवैध सामान आउँदै छ पक्राउ गर्नुपर्छ भनेर सुनाए।
कठायतले दिएको यो सूचना श्रेष्ठले वृत्तका प्रमुख डिएसपी रन्जन दाहाललाई सुनाए। कठायतकै सूचना अनुसार एम्बुसिङ गरेर चेकिङमा प्रहरी बस्यो। डिएसपी दाहाल आफैं फिल्डमा खटिए। डिएसपी दाहाललाई गलत लोकेशन दिइयो। सामान बोकेर गाडी आउने ठाउँमा जवान कठायत बसे। नक्कली सुन बोकेको बा ६ च ५५१९ नम्बरको स्कार्पियो कमलादीबाट घण्टाघर हुँदै बाहिरियो ।
सुन्धाराको आकाशे पुल नजिक पुगेपछि गाडीमा सवार निलेशले झरेर जवान कठायतलाई सुन र पेस्तोलको झोला दिएका थिए। त्यसपछि कठायतले उनीहरुलाई भगाएका थिए ।
सम्बन्धित समाचार
नक्कली सुनकाण्ड : फरार इल्ताफ हुसेन अन्सारी पक्राउ
यस्तो रहेछ 'नक्कली सुन काण्ड'को गुत्थी
नक्कली सुन प्रकरण : पक्राउ परेको पटेल समूह कमलादीस्थित अपार्टमेन्टमा बस्दै आएको खुलासा
नक्कली सुन प्रकरण : कागजातसँग मिल्याे बरामद गाडीको इन्जिन र च्यासिस नम्बर
न्युरोडमै बनेको थियो नक्कली सुन, १ किलो प्रहरीले नै लुकाएका थिए साथीको घरमा
नक्कली सुन काण्ड : दरबारमार्ग वृत्तका डिएसपी दाहाललाई जिम्मेवारीबाट हटाइयो
सुन काण्डमा प्रयोग भएको गाडी ललितपुरमा फेला
नक्कली सुन प्रकरण : प्रहरी मिलेमतोको आशंका, चार मुद्दा चलाउने तयारी
नक्कली सुन प्रकरण : पूर्वीनवलपरासीबाट ३ जना पक्राउ, काठमाडौं ल्याइँदै
बरामद भएकाे १५ किलो पहेंलाे धातुमध्ये ५०० ग्राममात्रै सुन
काठमाडौंबाट १२ करोड बराबरको १५ केजी सुन बरामद
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
