सुरक्षा/अपराध

नक्कली सुन प्रकरण : पक्राउ परेको पटेल समूह कमलादीस्थित अपार्टमेन्टमा बस्दै आएको खुलासा

नेपाल लाइभ शुक्रबार, साउन १६, २०७७ २३:१४

काठमाडौं–नक्कली सुन प्रकरणबाट पूर्वीनवलपरासीबाट समातिएका भारतीय नागरिक देवान पटेल र विजय पटेलको समूह कमलादीस्थित एक अपार्टमेन्टमा बस्दै आएको खुलेको छ।

उनीहरु उक्त अपार्टमेन्टमा ६ महिनादेखि १ लाख रुपैयाँ भाडा तिर्ने गरी बस्दै आएको प्रहरी स्रोतको भनाइ छ। उक्त अर्पाटमेन्ट देवान पटेलले भाडामा लिएको पाइएको हो।

नक्कली सुन प्रकरणमा पक्राउ पर्ने पटेलसमूहसहित निशेश सखिया तीनै जना भारतीय नागरिक हुन् भने उनीहरु नक्कली सुन ओसारपसार तथा बेचबिखनमा संलग्न रहेको प्रहरीले जनाएको छ।

गत मंगलबार दरबारमार्गमा स्कोर्पियो गाडीबाट सुन फालेर भागेपछि उनीहरू तीन जना सन्दीप गुरुङको ट्याक्सीमार्फत पूर्वनवलपरासी हुँदै भारत प्रवेश गर्न लागेका थिए।

दरबारमार्गबाट बरामद गरिएको भनिएको १५ किलो सुनमध्ये साढे १४ किलो नक्कली र आधा किलो सक्कली भएको पाइएपछि प्रहरीले अनुसन्धान सुरु गरेको थियो। त्यसक्रममा उक्त नक्कली सुन न्युरोडमै बनाएको खुलेको छ। न्युरोडका कालिगढलाई केही पैसा दिएर पहेंलो लेप लगाइएको पाइएपछि प्रहरीले कालिगढलाई सोधपुछ गरी कागज गराएर छाडेको छ।

नक्कली सुन बरामद प्रकरणमा महानगरीय प्रहरी वृत्त दरबारमार्गका डिएसपी रञ्जन दाहाललाई प्रहरी प्रधान कार्यालयले जिम्मेवारीबाट हटाउँदै प्रहरी प्रशिक्षण प्रतिष्ठान महाराजगञ्ज तानिसकेको छ।

यस्तै, यस प्रकरणमा प्रयोग भएको बा ६ च ५५१९ नम्बरको स्कोर्पियो गाडी ललितपुरको नखिपोटबाट बरामद भएको छ।

याे पनि

नक्कली सुन प्रकरण : कागजातसँग मिल्याे बरामद गाडीको इन्जिन र च्यासिस नम्बर

न्युरोडमै बनेको थियो नक्कली सुन, १ किलो प्रहरीले नै लुकाएका थिए साथीको घरमा

नक्कली सुन काण्ड : दरबारमार्ग वृत्तका डिएसपी दाहाललाई जिम्मेवारीबाट हटाइयो

सुन काण्डमा प्रयोग भएको गाडी ललितपुरमा फेला

नक्कली सुन प्रकरण : प्रहरी मिलेमतोको आशंका, चार मुद्दा चलाउने तयारी

नक्कली सुन प्रकरण : पूर्वीनवलपरासीबाट ३ जना पक्राउ, काठमाडौं ल्याइँदै

बरामद भएकाे १५ किलो पहेंलाे धातुमध्ये ५०० ग्राममात्रै सुन

काठमाडौंबाट १२ करोड बराबरको १५ केजी सुन बरामद

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

डिडानको अध्यक्षमा कृष्ण गहतराज निर्वाचित, पहाडी-विश्वकर्मा र गुरुङ सम्मानित

नेपाल–भारतले एकअर्काका नागरिकले भोगचलन गरेको जग्गा नापजाँच गर्ने

सरकारको छानबिनप्रति ओलीको व्यङ्ग्य: जरिकोटको धागो कहाँबाट आयो भनेर पनि सोधे