मुम्बई– बलिउडका चर्चित अभिनेता जोन अब्राहम ५१ वर्षका भए।
१७ डिसेम्बर १९७२ मा केरलामा जन्मेका जोन अब्राहमले आफ्नो करिअर मोडलिङबाट सुरु गरे। त्यसपछि उनले केही विज्ञापनमा पनि काम गरे। अभिनेताको रूपमा, जोनले सन् २००३मामा रिलिज भएको फिल्म ‘जिस्म’बाट फिल्मी करिअर सुरु गरे। यस फिल्ममा उनको क्यारेक्टर ग्रे शेड्स थियो।
तर पनि उनी दर्शकको सहानुभूति पाउन सफल भए। महेश भट्टले निर्माण गरेको फिल्म ‘जिस्म–२’मा विपाशा बसुसँगको जोडीलाई धेरै मन पराइएको थियो। यो फिल्म टिकट विन्डोमा सुपरहिट साबित भयो। यससँगै जोनलाई फिल्मफेयरले सर्वश्रेष्ठ डेब्यु अभिनेताको लागि मनोनयन गरेको थियो।
सन् २००४ मा जोन र विपाशा अभिनित फिल्म ‘एटाबर’ रिलिज भएको थियो। तर दर्शकले अस्वीकार गरेका थिए।
सन् २००४ मा रिलिज भएको फिल्म ‘धूम’ जोनको सिने करिअरको महत्वपूर्ण फिल्ममा पर्छ। यशराज ब्यानरमा बनेको यो फिल्ममा जोनले फेरि नकारात्मक भूमिका निभाएका थिए। यस फिल्ममा जोनले उत्कृष्ट बाइक स्टन्ट दृश्यहरू गरेर दर्शकहरूलाई रोमाञ्चित बनाएका थिए। यो फिल्म बक्स अफिसमा सुपरहिट साबित भयो र उनलाई फिल्मफेयरले बेस्ट नेगेटिभ रोलको लागि मनोनयन पनि गर्यो।
सन् २००५ मा रिलिज भएको फिल्म ‘गरम मसाला’मा जोन अब्राहम र अक्षय कुमारको जोडीलाई दर्शकले निकै रुचाएका थिए। जोनको फिल्म ‘जिंदा’ सन् २००६ मा रिलिज भएको थियो। यो फिल्ममा जोनले पनि नकारात्मक भूमिका निर्वाह गरेका थिए। यो चलचित्रले टिकट विन्डोमा खासै कमाइ गर्न नसके पनि जोनले यसलाई आफ्नो करिअरको उत्कृष्ट चलचित्र मान्छन्।
सन् २००८ मा रिलिज भएको फिल्म ‘दोस्ताना’लाई जोनको करिअरको सुपरहिट फिल्ममा गनिन्छ। करण जोहरले निर्माण गरेको फिल्म ‘दोस्ताना’ समलैंगिकतामा आधारित फिल्म थियो। यो फिल्ममा जोन र अभिषेक बच्चनको जोडीलाई दर्शकले निकै रुचाएका थिए। यो फिल्म टिकट विन्डोमा सुपरहिट साबित भयो।
जोन अब्राहमले पनि २०१२ मा रिलिज भएको फिल्म विक्की डोनर मार्फत फिल्म निर्माणको क्षेत्रमा प्रवेश गरेका थिए। यो फिल्म मार्फत् जोनले स्पर्म डोनेशन जस्ता गम्भीर विषयलाई दर्शकसामु प्रस्तुत गरेका थिए। फिल्ममा आयुष्मान खुराना र यामी गौतम मुख्य भूमिकामा छन्। यो फिल्म राष्ट्रिय अवार्ड सहित धेरै अवार्डबाट सम्मानित भएको थियो।
०१३ मा जोन अब्राहमको ‘रेस २’ र ‘शुट आउट एट बदला’ जस्ता सुपरहिट फिल्म रिलिज भए। जोनले ‘रेस २’मा आफ्नो नेगेटिभ क्यारेक्टरबाट दर्शकलाई रोमाञ्चित बनाएका थिए भने उनले शुट आउट एट बदलामा ग्याङ्स्टर मन्या सुर्वेको भूमिका निभाएका थिए। दुवै फिल्ममा उनको स्टाइललाई दर्शकले रुचाए।
सन् २०१५ मा जोनले सुपरहिट फिल्म ‘वेलकम ब्याक’मा काम गरे। त्यसपछि जोनले डिशूम, फोर्स-२, सत्यमेव जयते, बटाला हाउस मुम्बई सागा, सत्यमेव जयते-२ जस्ता धेरै फिल्ममा काम गरे।
यो वर्ष जोन अब्राहमले फिल्म ‘पठान’मा काम गरेका थिए। ‘पठान’मा जोन अब्राहमले नकारात्मक भूमिका निभाएका थिए। पठान बक्स अफिसमा सुपरहिट साबित भयो। जोन अब्राहमको आगामी फिल्ममा ‘तेहरान’ र ‘तारिक’ हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1746520246.jpg)
-1764146706.png)
