सुरक्षा/अपराध

संखुवासभा सामूहिक हत्या घटना : आरोपी लोकबहादुर सार्वजनिक, अभियोग स्वीकार गरेको प्रहरी दाबी

नेपाल लाइभ आइतबार, भदौ २७, २०७८ ११:५७

काठमाडौं- संखुवासभाको मादी नगरपालिका-१, उम्लिङ खोलागाउँका एकै परिवारका ६ जनाको हत्यामा संलग्न रहेको आरोपमा पक्राउ परेका लोकबहादुर कार्कीलाई प्रहरीले सार्वजनिक गरेको छ।

मादी- १ का तेजबहादुर कार्कीसहित उनको परिवारका ६ जनाको हत्या आरोपमा पक्राउ शनिबार परेका लोकबहादुरलाई प्रहरीले आइतबार जिल्ला प्रहरी कार्यालय खाँदबारीमा पत्रकार सम्मेलन गरी सार्वजनिक गरेको हो।

पक्राउ परेका लोकबहादुर तेजबहादुरकै आफन्त पर्ने हुन्। उनले अभियो स्वीकार गरेको प्रहरीले दाबी गरेको छ।

गत सोमबार तेजबहादुरसहित ८४ वर्षीया पार्वता कार्की, ५८ वर्षीया मनमाया कार्की, २५ वर्षीया रञ्जना कार्की, १० वर्षीय दीपक कार्की र ५ वर्षीया गोमा कार्कीको हत्या भएको थियो।

सोमबार बाटो हिँड्ने स्थानीयले बाटोमा शव देखेपछि यस हत्याकाण्डबारे प्रहरीसम्म जानकारी पुगेको थियो।

पौन १० बजे प्रहरी चौकी मादिमुल खर्कमा उक्त घटनाबारे जानकारी आएपछि हवल्दारको कमाण्डमा ३ जना प्रहरी घटनास्थल खटिएर ‘क्राइम सिन’लाई सुरक्षित राख्ने काम गरेका थिए। त्यसपछि इलाका प्रहरी कार्यालय (इप्रका) चैनपुरबाट इन्सपेक्टर योगराज खतिवडाको कमाण्डमा अर्को टोली घटनास्थल पुगेको थियो।

घटनास्थल मादी मुलखर्कबाट १० र इप्रका चैनपुरबाट ५५ किलोमिटर टाढा पर्छ। प्रहरी पुग्दा एकै परिवारका ६ जना मृत अवस्थामा भेटिएका थिए। ९० वर्षीय वृद्ध बौद्धमान कार्की भने सकुशल थिए।

८४ वर्षीया पावर्तीको शव घरमै भेटिएको थियो भने उनका छोरा तेजबहादुरको शव रोडको भित्तामा भेटिएको थियो। तेजबहादुरकी श्रीमती कमला र बुहारी रञ्जनाको शव खोल्सामा भेटिएको थियो भने ८ वर्षीय वपिन र ५ वर्षीया गोमाको शव घरभन्दा १ किलोमिटर पर बारीको कान्लामा भेटिएको थियो। मृत भेटिएका अधिकांशको टाउकामा चोट थियो।

६ जनाको सामूहिक हत्या घटना सार्वजनिक भएसँगै प्रहरीले घटनालाई गम्भीर रुपमा लिएर विभिन्न अनुसन्धान टोली पठाएको थियो।

यो पनि पढ्नुहोस् :

संखुवासभा हत्याकाण्डका एक आरोपी पक्राउ

संखुवासभा हत्या घटना– इटहरीको बुढीगंगा घाटमा ६ जनाको सामूहिक दाहसंस्कार
संखुवासभा हत्या घटना– घटनास्थलमा भेटियो १५ तोला सुन र ३ लाख रुपैयाँ नगद
संखुवासभा हत्या घटना– ६ जनाकै शव परीक्षणका लागि धरान लगियो
संखुवासभा हत्या घटना : ८० लाखमा झापामा किनेको जग्गा पास गर्ने तयारीमा थियो कार्की परिवार
संखुवासभा हत्याकाण्ड: जीवित रहेका ९० वर्षीय वृद्ध भन्छन्–६ बजे खाना खाएर सुतेको हुँ, केही थाहा छैन

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

पत्रकार किशोर श्रेष्ठ प्रकरणमा प्रेस काउन्सिल अध्यक्षले भने- प्रहरीको कामकारबाहीको जवाफ काउन्सिलले दिने होइन

भारी वर्षपछि कोलकाताको पूजा पण्डालमा भएको भागदौडमा १९ को मृत्यु, २५ घाइते

गृहमन्त्रीले गरे बुढीगण्डकी बाढी प्रभावित क्षेत्रको निरीक्षण