राजनीति

मध्यरातमा प्रतिनिधि सभा विघटन, कात्तिक २६ र मङ्सिर ३ मा मध्यावधि निर्वाचन घोषणा

नेपाल लाइभ शनिबार, जेठ ८, २०७८ ०१:५६

काठमाडाैं- राष्ट्रपति विद्यादेवी भण्डारीले मध्यरातमा प्रतिनिधि सभा विघटन गर्दै मध्यावधि निर्वाचनको मिति घोषणा गरेकी छन्।

सरकारको सिफारिसबमोजिम उनले शुक्रबार मध्यरातमा प्रतिनिधि सभा विघटन गरेर आउँदो कात्तिक २६ र मङ्सिर ३ गते दुई चरणमा मध्यावधि निर्वाचन गर्ने घोषणा गरेकी हुन्।

शुक्रबार मध्यरातमा बसेको मन्त्रिपरिषद् बैठकले प्रतिनिधि सभा विघटन गरेर दुई चरणमा मध्यावधि निर्वाचन गर्नेगरी राष्ट्रपतिलाई सिफारिस गर्ने निर्णय गरेको थियो।

राष्ट्रपति भण्डारीले प्रधानमन्त्रीमा एमाले अध्यक्ष केपी शर्मा ओली र कांग्रेस सभापति शेरबहादुर देउवाको दाबी नपुग्ने भन्दै खारेज गर्ने निर्णय गरेपछि प्रधानमन्त्री ओलीले आकस्मिक मन्त्रिपरिषद् बैठक बोलाएका थिए।

शुक्रबार मध्यरात जारी गरेको विज्ञप्तिमा राष्ट्रपति भण्डारीले दुवैजनाले संविधानको धारा ७६ को उपधारा (५) बमोजिम प्रतिनिधि सभामा विश्वासको मत प्राप्त गर्न सक्ने आधार नदेखिएको समेत उल्लेख गरेकी थिइन्।

यो पनि पढ्नुहोस्

प्रधानमन्त्रीमा ओली र देउवा दुवैको दाबी खारेज गर्ने राष्ट्रपतिको निर्णयशुक्रबार, जेठ ७, २०७८

उनले संविधानको धारा ७६ को उपधारा (५) बमोजिम प्रधानमन्त्री पदमा दाबी पेस गर्न बिहीबार आह्वान गर्दै शुक्रबार बेलुकी ५ बजेसम्मको समय दिएकी थिइन्।

निर्धारित समयभित्र कांग्रेस, माओवादी केन्द्र, जनता समाजवादी पार्टी, राष्ट्रिय जनमोर्चा र नेकपा एमालेको माधवकुमार नेपालपक्षको समेत समर्थनमा देउवाले १४९ जनाको हस्ताक्षरसहित राष्ट्रपतिसमक्ष प्रधानमन्त्रीको दाबी प्रस्तुत गरेका थिए। त्यस्तै ओलीले एमाले र जसपाका १५३ जना सांसदको समर्थन आफूलाई रहेको दाबी पेस गरेका थिए।

प्रतिनिधि सभाबाट प्रधानमन्त्री चयन हुने यो अन्तिम विकल्प थियो। राष्ट्रपतिले यो विकल्पबाट पनि प्रधानमन्त्री नियुक्त हुन नसक्ने ठहर गरेपछि ओली मन्त्रिपरिषद्ले प्रतिनिधि सघा विघटन गरेर मध्यावधि निर्वाचन घोषणा गर्ने सिफारिस गरेको थियो। राष्ट्रपतिले त्यसैलाई सदर गरेकी हुन्।

संविधानको धारा ७६ उपधारा ७ मा उपधारा (५) बमोजिम नियुक्त प्रधानमन्त्रीले विश्वासको मत प्राप्त गर्न नसकेमा वा प्रधानमन्त्री नियुक्त हुन नसकेमा प्रधानमन्त्रीको सिफारिसमा राष्ट्रपतिले प्रतिनिधि सभा विघटन गरी छ महिनाभित्र अर्को प्रतिनिधि सभाको निर्वाचन सम्पन्न हुनेगरी निर्वाचनको मिति तोक्ने उल्लेख छ।

यो पनि पढ्नुहोस्:

कांग्रेस प्रवक्ताको टिप्पणी- संविधानको सामूहिक बलात्कारको दुष्परिणाम महंगो पर्नेछ

राष्ट्रपतिले फेरि संविधान च्यात्ने काम गरिन् : रमेश लेखक

माओवादी नेता पुनकाे प्रतिक्रिया : मध्यरातमा डकैती गरियाे

नेपाल पक्षका २७ जनाको हस्ताक्षर मान्यता नदिन राष्ट्रपतिलाई ओलीको पत्र

कानुनविद् भन्छन्- हस्ताक्षरसहित बुझाउनेले पहिलो प्राथमिकता पाउनुपर्छ, शंका लागेमा सनाखत गराउनुपर्छ

राष्ट्रपतिले विपक्षी नेताहरूलाई भनिन्- संविधानअनुसार निर्णय गर्छु

प्रधानमन्त्रीका लागि दुई जनाको दाबी

प्रधानमन्त्रीमा देउवाको दाबी राष्ट्रपति कार्यालयमा दर्ता, १४९ सांसदको हस्ताक्षर

ओलीले पनि गरे प्रधानमन्त्रीमा दाबी, १५३ सांसदको समर्थन रहेको जिकिर

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

चार प्रदेशमा हल्का वर्षाको सम्भावना

किन ओरालाे यात्रामा छ डलर ?

तिहार सुरु