काठमाडौं- जर्मन ब्रान्ड फाक्सवागनका कार विश्व बजारमा संख्यात्मक तथा ब्रान्डका हिसाबले पनि उत्कृष्ट मानिन्छन्। नेपालमा कार बिक्रीको पछिल्लो बिक्री तथ्यांक हेर्ने हो भने फाक्सवागनको बिक्री आशालाग्दो छैन।
नेपाली बजारमा फक्सवागनको सबैभन्दा धेरै बिक्री हुने कार पोलो हो। पोलोको बिक्रीसमेत उल्लेख्य रूपमा निराशाजनक छ। नेपाली बजारमा जर्मन ब्रान्ड फक्सवागन विशाल ग्रुप अन्तर्गतको पूजा इन्टरनेसनलले बिक्री गर्दै आएको छ।
पूजाले फक्सवागनका करिब १ दर्जन मोडलका कार नेपाली बजारमा उपलब्ध गराउँदै आएको छ। यसमध्ये सबैभन्दा धेरै बिक्री हुने इन्ट्रिलेबल कार पोलो हो। फक्सवागनको महँगा कार पसाट र टोरेगको बिक्री पछिल्लो दुई वर्षयता शून्य छ।
आधिकारिक बिक्रेता पूजा इन्टरनेसनलले २०७१ चैतदेखि २०७२ फागुनसम्मको एक वर्षमा ३ सय ७५ वटा कार बिक्री गरेको थियो। यसमध्ये एक वर्षमा २ सय ९१ वटा पोला, ४१ वटा भेन्टो, ३१ वटा टिगुवान, टोरेग र बिटल ५/५ वटा र २ वटा पसाट आयात भएको थियो।
फक्सवागनको भेन्टो मिडसाइज सेडान कार हो भने पसाट प्रिमियम सेडान कार हो। त्यसैगरी टिगुवान एसयुभी हो भने टोरेग प्रिमियम एसयुभी हो। ०७२ चैतदेखि ०७३ फागुनसम्म फक्सवागनका ३ सय ५६ वटा कार बिक्री भएका थिए।
त्यसैगरी ०७३ चैतदेखि ०७४ फागुनसम्म २ सय ६२ वटा कार बिक्री भएको थियो। ०७४ चैतदेखि ०७५ फागुनसम्म २ सय ८१ वटा र ०७५ चैतदेखि ०७६ फागुनसम्ममा १ सय ७७ वटा फक्सवागनका कार बिक्री भएको तथ्यांक छ।
वार्षिक बिक्री तथ्यांक हेर्ने हो भने ०७१/०७२ मा ३ सय ७५ वटा कार भित्र्याएको पूजाले ०७५/०७६ मा आइपुग्दा १ सय ७७ वटा कार मात्र भित्र्याउन सकेको देखिन्छ। नेपाली बजारमा भित्रिएका कार हालसम्म फिर्ता गएको इतिहास नभएकाले आएका सबै बिक्री भएका हुन्छन्।
विश्वमा धेरै बिक्री हुने फक्सवागन ब्रान्डका कारको बिक्री नेपाली बजारमा निराशाजनक भएको एक व्यवसायीले बताए। ‘संख्यात्मक हिसाबमा फक्सवागनका कार विश्वबजारमा पहिलो वा दोस्रो धेरै बिक्री हुनेमा पर्छ,’ ती व्यवसायीले भने, ‘तर नेपालमा वार्षिक बिक्री संख्या ३ सयबाट घटेर १ सयको हाराहारीमा आइपुग्नु सुखद् होइन।’
पछिल्लो ६ महिनाको तथ्यांक हेर्ने हो भने त फक्सवागनको कार बिक्री निक्कै निराशाजनक नै देखिन्छ। कोरोना भाइरसको संक्रमणका कारण सवारी बिक्री उल्लेख्य रूपमा घटेको भएपनि दसैँ नजिकिएसँगै कार बिक्री लयतर्फ लागेको व्यवसायीहरुको भनाइ छ।
तर फक्सवागनका कार भने निकै कम मात्र भित्रिएका छन्। २०७६ को चैतदेखि २०७७ भदौसम्मको ६ महिनामा पूजा इन्टरनेसनलले फक्सवागनका जम्मा ४३ वटा कार भित्र्याएको तथ्यांक छ। गएको चैत र बैसाखमा फक्सवागनका कुनै पनि कार नेपाल भित्रिएका छैनन् भने जेठमा ५ वटा पोलो कार भित्रिएको थियो।
असारमा १३ वटा पोला र ३ वटा टिगुवान भित्रिए भने साउनमा ८ वटा पोलो र २ वटा टिगुवान भित्रिएको तथ्यांक छ। भदौमा १३ वटा पोलो भित्रिएको थियो। ९ वटाभन्दा बढी मोडल कार कार नेपाल भित्र्याएर बिक्री गर्दै आएको पूजा इन्टरनेसनलनले आफ्नो बिक्री घटेसँगै कार आयातमा समेत कामी गरेको छ। विगतमा कम्पनीले कार बिक्रीका लागि विभिन्न योजना ल्याउने गरेको थियो। तर यो वर्ष पूजाले आकर्षक योजना ल्याएको छैन।
सम्बन्धित समाचार:
विशाल ग्रुपका कम्पनीको रेटिङमा केयर रेटिङको बदमासी‚ धितोपत्र बोर्डले छानबिन थाल्यो
एनआइसी एसिया बैंकको कानुनविपरीत रेटिङ, कारबाही भोगेको कम्पनी कसरी बन्यो राम्रो?
विशाल ग्रुपको कमला रोलिङ मिल्सबाट उत्पादित डण्डी गुणस्तरहीन
म्याद गुज्रिएका वस्तु ‘रिलेबलिङ’ गर्न विशाल ग्रुपले भारतीयसँग लिखित सहमति गरेको खुलासा
खाद्य वस्तुमा ‘रिलेबलिङ’ प्रकरण : कसले जोगाउँदैछ अमेजनलाई?
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789010467.jpg)
-1786602170.png)
