फिचर

घरेलु मैदानमा पहिलो एकदिवसीय जित [फोटो फिचर]

काठमाडौं- आइसिसी विश्वकप क्रिकेट लिग–टु अन्तर्गत त्रिदेशीय सिरिजमा नेपालले अमेरिकालाई ३५ रनले हरायो। जुन घरेलु मैदानमा नेपालको पहिलो एकदिवसीय जित हो।

यसअघि सिरिजको पहिलो खेलमा नेपाल ओमनसँग १८ रनले हारेको थियो।

अमेरिकाविरुद्ध नेपालका कुशल मल्लले ५० साथै बिनोद भण्डारीले ५९ रनको महत्वपूर्ण योगदान गरे। यसैगरी बलिङमा करण केसीले ४ विकेट लिए। सुशन भारीले ३, सन्दीप लामिछानेले २ साथै कुशल मल्लले १ विकेट लिए।

खेलमा दर्शकको उपस्थिति राम्रो रह्यो। यसैले अमेरिकी टिमका कप्तान सौरभ नरेश नेत्रावल्करले पनि दर्शकको तारिफ गरे। ‘दर्शकको उत्साह निकै राम्रो थियो। दर्शकको प्यासन पनि मन पर्‍यो। हामीले हल्लामा भन्दा बलमा नै ध्यान दिन खोजिरहेका थियौँ’ उनले भने।

नेपाली टिमका कप्तान ज्ञानेन्द्र मल्लले पहिलो जितले खुसी लागेको र अब यसलाई निरन्तरता दिनुपर्ने बताए। उनी भन्छन्- ‘खुसी लागिरहेको छ जितमा। यसलाई निरन्तर गर्न जरुरी छ। अब भोलिको खेललाई सोचेर राम्रो खेल्नुपर्छ। हरेक खेलमा ध्यान दिएर जानुपर्छ। ब्याटिङमा अझ राम्रो गर्न सक्यो भने हाम्रो बलिङले राम्रो रिजल्ट ल्याउने नै छ।’

पहिलाे जितका केही दृश्य तस्बिरमा