काठमाडौं– प्रहरीले १० लाख युरोसहित ५ जनालाई पक्राउ गरेको छ।
पक्राउ पर्नेमा पर्नेमा रुपन्देहीको सैनामैना नगरपालिका–२ की ४५ वर्षिय मिना सुनार, सोही ठाउँका २७ वर्षीय रमेश सुनार, गुल्मी धुर्कोटका गाउँपालिका–२ का २४ वर्षीय राजु सुनार, नवलपरासी बर्दघाट नगरपालिका–४ का ३० वर्षीय कमल सुनार र स्याङ्जा गल्याङ नगरपालिका–२ का ३१ वर्षीय गणेश सुनार रहेका छन्।
.jpg)
प्रहरीले उनीहरुको साथबाट वन मिलियन युरो लेखिएको त्रिभुजाकार धातु १ थान, आयातकार धातु १ थान, सर्टिफिकेट अफ अथेन्टिसिटी लेखिएको कागजात १ थान बरामद गरेको छ।
त्यसैगरी द नेप्लीज बैंक नोट कम्पनी द वन मिलियन युरो लेखिएको कागजात १ थान, वन मिलियन युरो लेखिएको एनबिएस ०७४२४ नम्बरको नोट १ थान बरामद गरेको छ।
उनीहरुलाई शनिबार रुपन्देहीको सैनामैना नगरपाकिला–२ सरौलीबाट दिउँसो ४ बजे ५ नम्बर प्रदेश प्रहरी कार्यालयबाट खटिएको प्रहरी टोलीले पक्राउ गरेको हो। पक्राउ परेका उनीहरुलाई थप अनुसन्धानका लागि काठमाडौं पठाइएको प्रहरी स्रोतले जानकारी दियो।
लाख युरोको १२ करोड ६८ लाख नेपाली रूपैयाँ हुन्छ। एउटै नोट १० लाखको भएपछि उक्त नोट नक्कली हुनसक्ने भन्दै जाँचका लागि नेपाल राष्ट्र बैंक पठाइएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
