यी हुन् नेपाल र चीनबीच भएका समझदारी [सूचीसहित]

नेपाल लाइभ | २०७६ असोज २६ आइतबार | Sunday, October 13, 2019 १४:३६:०० मा प्रकाशित

काठमाडौं- नेपाल र चीनबीच दुईदेशीय रेलमार्गको संभाव्यता अध्ययन गर्ने समझदारी भएको छ।

नेपाल भ्रमणमा रहेका चिनियाँ राष्ट्रपति सी चिनफिङ र प्रधानमन्त्री केपी शर्मा ओलीको उपस्थितिमा आइतबार दुई पक्षबीच यस्तो समझदारी भएको हो।

यसैगरी सगरमाथा संरक्षणका लागि सहयोग आदानप्रदानलगायतका २० बुँदे समझदारी भएको छ।

यसमा १८ वटा समझदारी र २ वटा लेटर अफ एक्सचेन्ज गरी कूल २० बुँदे समझदारी भएको हो। 

यस्ता छन् समझदारीका मुख्य विषयः

  • नेपाल–चीन अन्तरदेशीय रेलसेवाको सम्भाव्यता अध्ययन

  • छेन्दुमा महावाणिज्य दूतावास स्थापना गर्ने

  • काठमाडौं–चीनको नाञ्जिङ सहरबीच भगिनी सम्बन्ध स्थापना

  • बुटबल र चीनको सियान सहरबीच भगिनी सम्बन्ध स्थापना, स्वास्थ्य सेवा सुधारसम्बन्धी समझदारी

  • त्रिभुवन विश्वविद्यालयमा भौतिक पूर्वाधार निर्माण सम्बन्धी समझदारीपत्र

  • नेपाली फलफूल चीन निर्यात गर्ने सम्बन्धी समझदारीपत्र

  • सीमा व्यवस्थापन प्रणाली

  • सरकारी क्षमता विस्तारका लागि सहयोग आदानप्रदान गर्ने समझदारी

  • आपराधिक गतिविधि नियन्त्रणका लागि दुईपक्षीय कानुनी सहयोग आदानप्रदान गर्ने समझदारी

  • सगरमाथा संरक्षणका लागि सहयोग आदानप्रदान समझदारी

  • नेपालको राष्ट्रिय योजना आयोग र चीनको राष्ट्रिय विकास तथा सुधार आयोगबीच मुख्य परियोजनामा उत्पादकत्व क्षमता विस्तार गर्ने

  • औद्योगिक क्षेत्रमा सहयोग गर्ने परियोजना सम्बन्धी समझदारीपत्र

  • परम्परागत औषधिको विकास गर्ने समझदारी 

  • विपद् जोखिम न्यूनीकरण तथा आपत्कालीन उद्धारसम्बन्धी सम्झौता

  • चीनको सुप्रिम पिपल्स प्रोक्युरेटर र नेपालको महान्यायाधिवक्कताको कार्यालयबीच सहयोग आदानप्रदान गर्ने समझदारी

  • दुईपक्षीय व्यापारसम्बन्धी संयुक्त कार्यदल गठन गर्ने

  • दुईपक्षीय लगानी विस्तार गर्न नेपालको अर्थ मन्त्रालय र चीनको वाणिज्य मन्त्रालयबीच लगानी सहायता कार्यदल गठन गर्ने 

  • सुरुङमार्ग निर्माण गर्ने सम्बन्धमा समझदारी