काठमाडौं- हत्या आरोप लागेका कांग्रेस सांसद तथा पूर्वमन्त्री मोहम्मद अफताव आलम पक्राउ परेका छन्।
उनलाई जिल्ला प्रहरी कार्यालय रौतहटको टोलीले आइतबार बिहान पक्राउ गरेको प्रहरीका केन्द्रीय प्रवक्ता डिआइजी विश्वराज पोखरेलले जानकारी दिए।
विसं २०६४ सालमा बम बनाउने क्रममा पड्केर घाइते भएका केही व्यक्तिलाई आलमले इटा भट्टामा पोलेर मारेको अभियोग लागेको थियो। सर्वोच्च अदालतले २०६९ मा दोषी प्रमाणित गर्दै उनलाई पक्राउ गर्न आदेश दिएको थियो।
दोषी प्रमाणित भएको ७ वर्षपछि मन्त्री आलम पक्राउ परेका हुन्।
२०१९ असार ५ गते जन्मिएका अफताब आलमले स्नातक (बिएससी) सम्मको अध्ययन गरेका छन्।
२०५३ सालको उपनिर्वाचन, २०५६ र २०६४ सालमा रौतहटबाट विजयी भएका आलमले ६ पटक विभिन्न मन्त्रालयहरु सम्हालिसकेका छन्। ०७४ सालमा सम्पन्न निर्वाचनमा उनी रौतहट २ बाट विजयी भएका थिए।
२०३४ सालबाट नेपाली कांग्रेसबाट राजनितिक यात्रा सुरु गरेका आलम २०४५ सालदेखि पार्टीको कार्यबाहक सभापति हुँदै दुईपटक जिल्ला सभापति र एक पटक केन्द्रीय सदस्य भइसकेका छन्।
संविधानसभाको दोस्रो निर्वाचनमा भने उनी पराजित भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
