काठमाडौं- राष्ट्रिय ध्वजाबाहक नेपाल एयरलाइन्सले 'अपरेसन म्यानुअल'को 'पार्ट-ए' मिचेर विदेशी पाइलटलाई जहाज उडान गर्ने दिने तयारी गरेको छ।
म्यानुअलको ५.२.१७ मा उल्लेख गरेको प्रावाधानभन्दा बाहिर गएर नेपाल एयरलाइन्समा प्रवेश गरेका पाकिस्तानी पाइलटलाई जहाज उडान गर्न दिन लागेको हो।
एयरलाइन्सका अपरेसन विभाग प्रमुख आरके शेरचनले म्यानुअल विपरीत एयरबस-३२० का पाकिस्तानी पाइलट मोहमद घानीलाई जहाज उडान गर्न दिन लागेका छन्।
शेरचनले जेठ १ गते काठमाडौं-दिल्लीका २ उडानमा नियम विपरीत पाकिस्तानी पाइलट घानीलाई जहाज उडान गर्न दिने गरी सेड्युल तय गरेको एयरलाइन्सका एक वरिष्ठ पाइलटले जानकारी दिए।
म्यानुअलमा कुनै विदेशी पाइलटले नेपाल आएर जहाज उडान गर्दा सबैभन्दा पहिलो नेपाल नागरिक उड्डयन प्राधिकरणको सिंनामंगलको स्वीकृतिप्राप्ट सिमिलेटर ट्रेनिङ लिएको हुनु पर्ने उल्लेख छ।
यसैगरी, २ वटा सेक्टरमा अनुभवी पाइलटले गरेको उडान निरीक्षण (उडान गरेको हेर्ने मात्र) र ८ वटा उडान जुन फिडको जहाज उडान गर्ने हो त्यही फिडको प्रशिक्षक पाइलटसँग उडान गर्नु पर्ने उल्लेख छ।
तर, एयरलाइन्सको 'फुल-फेज'मा पाइलट नरहेका (सबै को-पाइलटसँग उडान गर्न नपाउने) पाइलट शेरचनको सिफरिसमा जहाज उडान गर्न दिने तयारी भएको हो।
पाकिस्तानी पाइलट घानीले नेपाल एयरलाइन्सको एयरबस-३२० उडान गर्ने आइपी पाइलटसँग कुनै पनि उडान गरेका छैनन्। तर, उनलाई शेरचनले उडान गर्न योग्य रहेको भन्दै सिफरिस गरका हुन्।
उडानका लागि सिफारिस गर्दा आइपी पाइलटकै अनुमति लिनुपर्छ।
शेरचनले नै पाकिस्तानी पाइलट घानीको 'अब्जर' उडान गराएका थिए भने सिनामंगल अफिसबाट उजुरी परेपछि मात्र तालिमको प्रमाणपत्र लिएका थिए।
तर शेरचनलाई नयाँ पाइलटको अब्जर उडान गर्ने अधिकार पनि म्यानुअलले दिएको छैन।
तर घानीले आइपी पाइलटसँग कुनै पनि उडान गरेका छैनन्। दुई वटा प्रक्रिया पूरा गरेकै आधारमा उनले पाकिस्तानी पाइलटलाई जहाज उडान गर्न दिने तयारी भएको छ।
नियामक निकाय नेपाल नागरिक उड्डयन प्राधिकरणले भने यस विषयमा अनुसन्धान गरेर निर्णय गर्ने बताएको छ।
‘नेपाल एयरलाइन्सले विगतमा भएका अभ्यास देखाउँदै पाकिस्तानी पाइलटलाई जहाज उडान गर्न अनुमति मागको थियो,' प्राधिकरण स्रोतले भन्यो, ‘तर, नेपाल एयरलाइन्सले अपरेसन म्यानुअल विपरीत जहाज उडाएको अवस्थामा कारबाही हुन्छ। प्राधिकरणले अनुमति दिँदा एरलाइन्सको म्यानुअल हेरेको छैन।’
यो विषय उजागर भएसँग म्यानुअल समेत हेरिने नेपाल एयरलाइन्स स्रोतले दाबी गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
