गाेठमा चाउमिन बनाएकाे भेटिएपछि उद्याेग नै बन्द

समाचार

नेपाल लाइभ शुक्रबार, असोज १९, २०७५ ०७:१४

दाङ– घोराही उपमहानगरपालिकाले एक चाउमिन उद्योग बन्द गराएको छ। अनुगमनका क्रममा उद्योगको उत्पादन गुणस्तरहिन पाइएपछि उद्योग बन्द गराएको उपमहानगरले जनाएको छ।

_x000D_ _x000D_

उपमहानगरका उपप्रमुख तथा बजार अनुगमन समितिका संयोजक सीता सिग्देल न्यौपानेको नेतृत्वमा गएको अनुगमन टोलीले घोराही–१७ गैरागाउँमा सञ्चालित ऋषिकेश चाउमिन उद्योगलाई तत्कालका लागि बन्द गराएको छ।

_x000D_ _x000D_

‘खानेकुरा उत्पादन गर्ने उद्योग गाई बाँध्ने गोठमा छ’ उनले भने, ‘गोठमा बनाएका चाउमिन र त्यससँगै प्रयोग हुने सस कस्तो होला?’

_x000D_ _x000D_

उद्योगमा करीब ८० वटा बोतल तयार पारिएको ससमा उत्पादन मिति, उपभोग मिति र मूल्य उल्लेख नभएको तथा गोठमा चाउमिन उत्पादन गरेको फेला परेपछि बिक्री र उत्पादन समेत नगर्न निर्देशन दिइएको उपप्रमुख न्यौपानेले जानकारी दिए।

_x000D_ _x000D_

३ दिन भित्र उद्योग दर्ता गर्न र मापदण्ड अनुसार सञ्चालनमा ल्याउन टोलीले निर्देशन दिएको छ। अनुगमन टोलीले घोराही क्षेत्रमा रहेका अन्य चाउमिन उद्योगको समेत अनुगमन गरेको छ।
_x000D_

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बालिकालाई सामूहिक बलात्कार गरेको आरोपमा चार जना पक्राउ

सेयर धितो कर्जाको जोखिम भार घट्यो

अनेरास्ववियुमा ३२ वर्षे उमेर हद लगाउने एमालेको निर्णय