दाङमा मृत अवस्थामा भेटिए अामाछाेरी

समाचार

नेपाल लाइभ शुक्रबार, असोज १९, २०७५ ०१:५८

दाङ– दाङको बबई गाउँपालिकामा आमाछोरी मृत भेटिएका छन्।

_x000D_ _x000D_

बबई गाउँपालिका वडा नं. ४ हसनापुरकी २४ वर्षीया सरस्वती पुन मगर र उनकी तीन वर्षीया छोरी कृतिका पुन मगर मृत फेला परेको ईलाका प्रहरी कार्यालय खिलतपुरले जानकारी दिएको छ।

_x000D_ _x000D_

आमाको झुण्डिएको अवस्था र छोरीको नजिकै खोल्सामा शव फेला परेको प्रहरीले जनाएको छ।

_x000D_ _x000D_

स्थानीय सितलगौरा सामुदायिक वनमा बिहीबार बेलुका मृत फेला परेको ईलाका प्रहरी कार्यालय खिलतपुरका प्रहरी निरीक्षक डाक्टरप्रसाद चौधरीले जानकारी दिए।

_x000D_ _x000D_

स्थानीय एक व्यक्तिले बिहीबार साँझ ५ बजेतिर शव देखेपछि प्रहरीलाई खबर गरेका थिए।

_x000D_ _x000D_

शव सड्ने अवस्थामा रहेकाले ४/५ दिन अगाडि नै मृत्यु भएको हुन सक्ने प्रहरी निरीक्षक चौधरीले बताए। आफन्तले भने हत्या भएको हुन सक्ने भन्दै शव उठाउन नमानेको प्रहरीले बताएको छ।

_x000D_ _x000D_

आमाछोरी असोज १३ गते शनिबार माईतिघर रोल्पा जान भनी हिँडेको तर लामो समय सम्म पनि सम्पर्कमा नआएको आफन्तले बताएका छन्।

_x000D_ _x000D_

छोरीको शव खोल्सामा खसको थियो भने आमाको शव भीरमै पासो लागेको अवस्थामा अड्डिएको प्रहरीले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

युक्रेनमा रुसी हवाई हमलामा परी १२ जनाको मृत्यु

पाकिस्तान सुपर लिगको उपाधि लाहोरले लाई

कोलकाता माथि हैदरावादको सानदार जित, क्लासेनको विस्फोटक शतक