घुस लिएको आरोपमा प्रहरी नायब निरीक्षकसहित ४ जनाविरुद्ध मुद्दा दायर

समाचार

नेपाल लाइभ बिहीबार, असोज १८, २०७५ १२:३१

काठमाडौं– अख्तियार दुरुपयोग अनुसन्धान आयोगले घुस लिएको आरोपमा महानगरीय प्रहरी प्रभाग सानोठिमी भक्तपुरमा कार्यरत प्रहरी नायब निरीक्षक ज्योति विष्टसहित ३ जनाविरुद्ध विशेष अदालतमा मुद्दा दायर गरेको छ।

_x000D_ _x000D_

आयोगका अनुसार प्रहरी नायब निरीक्षक विष्टको प्रत्यक्ष संलग्नतामा सोही प्रहरी प्रभागमा कार्यरत प्रहरी सहायक निरीक्षक सुवास ढुङ्गाना र प्रहरी हवल्दार दीपक भारतीले बालुवा बेचबिखन गर्ने व्यवसायीलाई सहजरुपमा निकासी गर्न दिने सर्तमा ४५ हजार घुस लिएको अभियोग लागेको छ।

_x000D_ _x000D_

बालुवा व्यवसायीसँग प्रहरी सहायक निरीक्षक ढङ्गानाले रकम बुझी प्रहरी हवल्दार भारतीलाई ५ हजार रुपैयाँ दिएको र विष्टलाई २५ हजार रुपैयाँ छुट्याएका थिए।

_x000D_ _x000D_

आयोगले तीनै जना प्रहरी कर्मचारीलाई ४० हजार रुपैयाँको बिगो कायम गरी विशेष अदालतमा आज मुद्दा दायर गरेको हो।

_x000D_ _x000D_

यस्तै आयोगले सोही प्रकरणमा संलग्न महानगरी प्रहरी प्रभाग काँडाघारीमा कार्यरत प्रहरी हवल्दार अमन चौधरीविरुद्ध पनि विशेष अदालतमा मुद्दा दायर गरेको छ। आयोगका अनुसार हवल्दार चौधरीले बालुवा व्यापारीसँग ५ हजार घुस लिएको अभियोग लागेको छ।

_x000D_ _x000D_

आयोगको टोलीले उनलाई घुस रकमसहित पक्राउ गरेको थियो। उनलाई भ्रष्टाचार निवारण ऐन, अनुसार कैद र जरिवाना गर्न अख्तियारले माग गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बालिकालाई सामूहिक बलात्कार गरेको आरोपमा चार जना पक्राउ

सेयर धितो कर्जाको जोखिम भार घट्यो

अनेरास्ववियुमा ३२ वर्षे उमेर हद लगाउने एमालेको निर्णय