सप्तरीमा एकै दिन ७० वर्षीया वृद्धा र १४ वर्षीया बालिका बलात्कृत

समाचार

नेपाल लाइभ बुधबार, असोज १७, २०७५ ११:०६

राजविराज- सप्तरीमा एकै दिन ७० वर्षीया वृद्धा र १४ वर्षीया बालिका बलात्कारमा परेका छन्। सन्तानसुखको कामना गर्दै तराईबासी अधिकांश महिलाले जितिया पर्व मनाईरहेका बेला गत मंगलबार खडक नगरपालिका ८ की ७० वर्षीया वृद्धा र डाकनेश्वरी नगरपालिका–५, पातोकी १४ वर्षीया बालिका बलात्कारकोे शिकार भएका हुन्।

_x000D_ _x000D_

जितिया पर्वका अवसरमा घरका सबै सदस्य मन्दिर गएका बेला साँझ करीब ८ बजे स्थानीय ४० वर्षीय व्यक्तिले डर÷धम्की देखाएर वृद्धाको बलात्कार गरेको जिल्ला प्रहरी कार्यालय सप्तरीले जनाएको छ। वृद्धाको मेडिकल जाँच भईरहेको सप्तरीका डिएसपी भावेश रिमालले बताए।

_x000D_ _x000D_

सोही दिन साँझ करीब साढे ८ बजे डाकनेश्वरी ५, पातोकी १४ वर्षीया बालिका पनि बलात्कृत भएको उनले बताए। राजविराजस्थित सगरमाथा अञ्चल अस्पतालमा उनको स्वास्थ्य परीक्षण गरिएको छ।

_x000D_ _x000D_

परिवारका सदस्य जितियाको रमझममा लागेका बेला स्थानीय १८ वर्षीय एक युवकले मुख थुनेर बालिकाको बलात्कार गरेको रिमालको भनाई छ। स्वास्थ्य परीक्षणमा पनि बालिका बलात्कृत भएको पुष्टि भएको उनले बताए।

_x000D_ _x000D_

दुवै घटनाका आरोपी फरार रहेकाले खोजी तीव्र पारिएको प्रहरीले जानकारी दिएको छ।

_x000D_ _x000D_

चालु आर्थिक वर्षको साउन र भदौमा मात्रै जिल्ला प्रहरी कार्यालय सप्तरीमा बलात्कारका ८ र बलात्कार उद्योगका ५ वटा मुद्दा दर्ता भइसकेका छन्।
_x000D_

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बालिकालाई सामूहिक बलात्कार गरेको आरोपमा चार जना पक्राउ

सेयर धितो कर्जाको जोखिम भार घट्यो

अनेरास्ववियुमा ३२ वर्षे उमेर हद लगाउने एमालेको निर्णय