अस्थायी शिक्षकको समस्या छिट्टै समाधान गर्ने शिक्षा मन्त्री पोखरेलको आश्वासन

समाचार

नेपाल लाइभ बुधबार, असोज १७, २०७५ ०८:४३

काठमाडौं– शिक्षा, विज्ञान तथा प्रविधि मन्त्री गिरिराजमणि पोखरेलले अस्थायी शिक्षकको समस्या छिट्टै समाधान गर्ने आश्वासन दिएका छन्।

_x000D_ _x000D_

मन्त्री पोखरेलले स्रोत जुटाएर विद्यालय कर्मचारी र राहत शिक्षकहरुको माग पनि सम्बोधन गर्ने घोषणा गरेका छन्।

_x000D_ _x000D_

२५औं विश्व शिक्षक दिवसको अवसर पारेर बुधबार ललितपुरमा आयोजित एक कार्यक्रममा बोल्दै उनले अस्थायी शिक्षकहरुको समस्या समाधानका लागि सरकारले शिक्षा सेवा आयोगको कार्ययोजना अनुसार काम गरिरहेको दाबी गरे। अस्थायी शिक्षकहरुको माग सम्बोधन गर्न सरकारले आन्तरिक तथा खुल्ला परीक्षा लिएको मन्त्री पोखरेलको भनाइ छ।

_x000D_ _x000D_

मन्त्री पोखरेलले २ सय ५३ वटा सामुदायिक विद्यालयहरुमा प्राविधिक तथा व्यवसायिक शिक्षा सञ्चालनका लागि अनुमति दिइएको पनि जानकारी दिए। प्रधानमन्त्री केपी शर्मा ओलीले पदबहाली गरेकै दिन सबै स्थानीय तहमा प्राविधिक तथा व्यवसायिक शिक्षालय स्थापना गर्ने घोषणा गरे।

_x000D_ _x000D_

सोही घोषणालाई कार्यान्वयन गर्न सरकारले २ सय ५३ वटा सामुदायिक विद्यालयहरुमा प्राविधिक तथा व्यवसायिक शिक्षालय स्थापनाका लागि अनुमति दिने काम गरेको पनि मन्त्री पोखरेलले स्पष्ट पारे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

१० महिनामा आठ करोड २१ लाख राजस्व सङ्कलन

कांग्रेसको पदाधिकारी बैठक बूढानीलकण्ठमा जारी