बेनी– रघुगङ्गा गाउँपालिका–७ चिमखोलास्थित अमर माध्यमिक विद्यालयमा कक्षा १० मा अध्ययनरत विद्यार्थीलाई लगाइएको निलम्बनको निर्णय फिर्ता भएको छ।
_x000D_
_x000D_
नियमित रूपमा पठनपाठनको मागसहित आन्दोलित कक्षा १० का २२ विद्यार्थीलाई विद्यालयले एक महिनाका लागि निलम्बन गर्ने निर्णय गरेको थियो। विद्यालयले अधिकार क्षेत्रबाहिर गएर लगाएको निलम्बनको निर्णय फिर्ता गरेसँगै बुधबारदेखि सबै विद्यार्थी नियमित रूपमा विद्यालय जान पाउने भएका छन्।
_x000D_
_x000D_
मंगलबार रघुगङ्गा गाउँपालिकाको कार्यालय मौवाफाँटमा आयोजित सर्वपक्षीय बैठकमा विद्यालय व्यवस्थापन समिति, प्रधाध्यापक, शिक्षक, अभिभावक संघ तथा वडाका प्रतिनिधिले विद्यार्थीलाई निलम्बन फिर्ता गर्ने निर्णय गरेका हुन्। विद्यार्थीको अध्ययन गर्न पाउने अधिकारलाई सुनिश्चित गर्न विद्यालयले लगाएको निलम्बन फिर्ता लिने निर्णय भएको स्रोत व्यक्ति बालकृष्ण उपाध्यायले जानकारी दिए।
_x000D_
_x000D_
विद्यालयमा ६ महिनादेखि रोकिएको कक्षा १० को विज्ञान विषयको पठनपाठन सञ्चालन गराउन तत्काल शिक्षा विकास तथा समन्वय एकाइ बेनीमा विज्ञान विषयको शिक्षक करार नियुक्तको लागि अनुमति माग गर्ने र समयमै शिक्षक उपलब्ध हुन नसकेमा निजी स्रोतबाटै भए पनि शिक्षकको व्यवस्थापन गर्ने निर्णय भएको छ।
_x000D_
_x000D_
केही महिनादेखि रोकिएको कम्प्युटर विषयको पठनपाठनलाई सञ्चालन गर्न यसअघि नै कार्यरत रहेका रिम पाइजालाई मासिक १८ हजार तलब दिने गरी अध्यापनमा लगाउने निर्णय भएको छ।
_x000D_
_x000D_
विद्यालयमा लामो समयदेखि विज्ञान र कम्युटर विषयका शिक्षक नहुँदा पठनपाठन प्रभावित भएको भन्दै विद्यार्थीले यही असोज १० गते तालाबन्दी गरेका थिए।
_x000D_
_x000D_
आइतबार वडाका प्रतिनिधि, पार्टी प्रतिनिधि, अभिभावकलगायतको बैठकले कक्षा १० मा अध्ययनरत २५ मध्ये २२ विद्यार्थीलाई एक महिनासम्म विद्यालयमा अध्ययन गर्न प्रतिबन्ध लगाएका थिए। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1762935254.png)
