काठमाडौं– कार्यालयमा भ्रष्टाचार भएको भन्दै सेवाग्राही र अन्य व्यक्तिले तालाबन्दी गरेको समाचार त सुन्दै आएको हो। तर आफ्नै कर्मचारीले भ्रष्टाचार गर्ने अशंकामा जिल्ला अदालतका न्यायाधीशले नै अदालतमा तालाबन्दी गरेको घटना बाहिर अएको छ।
_x000D_
_x000D_
यो घटना दैलेख जिल्ला अदालतको हो। दैलेख जिल्ला अदालतका श्रेष्तेदारको सरुवा भएपछि त्यहाँका न्यायाधीशले आफ्नै कार्यालयमा तालबन्दी गरेका छन्।
_x000D_
_x000D_
जिल्ला अदालत दैलेखका न्यायाधीशले सरुवा भएका श्रेष्तेदारले भ्रष्टाचार गर्ने भन्दै आफ्नै एकाउन्ट शाखामा तालबन्दी गरेका हुन्।
_x000D_
_x000D_
भदौ १३ गते न्याय सेवा आयोगवाट विशेष अदालतमा सरुवा भएका श्रेष्तेदार रमेश श्रेष्ठले भ्रष्टाचार गर्ने भन्दै जिल्ला न्यायाधीश सनतचन्द्र लवटले ताला लगाएका हुन्।
_x000D_
_x000D_
तालबन्दी भएको कुरा सर्वोच्चले थाहा पाएलगत्तै उनलाई तत्काल खोल्न र नखोलेमा कारबाही गर्ने चेतावनी दिएपछि उक्त ताला खुलेको छ। उनी आफैंले उक्त ताला खोलेका छन्।
_x000D_
_x000D_
सरुवा भएका श्रेष्ठले स्टेशनरी, तलब भत्ता, स्थानीय भत्ता, महँगी भत्ता र अन्य सेवा शुल्कमा रकम निकासी गरी भ्रष्टाचार गर्ने प्रभाव सम्भावना रहेको भन्दै न्यायाधीशले तालाबन्दी गरेका थिए। दशैलगत्तै नयाँ रजिष्ट्रार आउने भएकाले हाल अवकाश पाएका श्रेष्ठले स्टेशनरी खर्चमा समेत भ्रष्टाचार गर्ने आशंका भएकाले तालावन्दी गरेको उल्लेख गरेका छन्।
_x000D_
_x000D_
अदालतमा भएको यो पहिलो घटना सर्वोच्च र न्याय परिषदमा जानकारी भएलगत्तै न्यायाधीश लवटलाई भ्रष्टाचार गर्ने कर्मचारी भए कारबाही गर्न निर्देशन दिंदै उक्त ताला खोल्न भनेका थिए।
_x000D_
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768049575.png)
-1764146706.png)
