काठमाडौं- कोरियामा रोजगारी गरी फर्केका युवालाई कोरियाले अपनाएको औद्योगिक अभ्यासलाई अनुसरण गरी स्वदेशमै लगानी गर्न विज्ञले सुझाव दिएका छन्।
_x000D_
_x000D_
नेपालस्थित कोरियन दूतावास र कोरियाबाट फर्केका युवाले स्थापना गरेको संस्था अंकुर नेपालले बिहीबार राजधानीमा आयोजना गरेको कार्यक्रममा कोरियन राजदूत पार्क योङ सिकले रोजगारीका क्रममा कोरियामा सिकेको सिप तथा पुँजीलाई नयाँ शैली र प्रविधिको प्रयोग गरी स्वदेशमा लगानी गर्न सुझाए।
_x000D_
_x000D_
'कोरियाको आर्थिक विकासमा निजी क्षेत्रको भूमिका र नेपाली कामदारले गरेको योगदान' विषयक कार्यक्रममा राजदूत सिकले ३५ हजार नेपाली हाल कोरियामा कार्यरत रहेको जानकारी गराए। २० हजार कोरियामा काम गरेर फर्केको जनाउँदै उनले नेपालले सधै रेमिट्यान्सको भर गर्नेभन्दा पनि स्वदेशमा नै रोजगारीका विकल्प खोज्ने वातावरण बनाउन सुझावदिए।
_x000D_
_x000D_
अंकुर नेपालका अध्यक्ष लालप्रसाद भट्टराईले कोरियाबाट फर्केका युवाले विभिन्न क्षेत्रमा लगानी बढाउँदै लगेको बताए।
_x000D_
_x000D_
कोरियाको योङसी विश्वविद्यालयका प्रध्याापक डक्टर यु जङ सिकले कार्यपत्र प्रस्तुत गर्दै कोरियाको आर्थिक विकासमा निजी क्षेत्रको भूमिकाका बारेमा प्रकाश पारे। कोरियाले सरकारी र निजी क्षेत्रको सहयोगमा लगानीमैत्री वातावरण विकास गर्ने नीति बनाएका कारण ४० वर्षमा द्रुत आर्थिक विकास गरेको नमुना प्रस्तुत गर्दै नेपाल पनि यसरी नै जानुपर्ने बताए।
_x000D_
_x000D_
उनले सन् १९६० देखि २०१७ सम्म कोरियाका मुख्य बहुराष्ट्र काम्पनीले देशको आर्थिक विकासमा महत्वपूर्ण भूमिका निर्वाह गरेको बताए।
_x000D_
_x000D_
पोखरा युनिभर्ससिटीका नेपाली इनोभेसन टेक्नोलोजी एन्ड इन्टरपेनरसिप कार्यक्रमका परियोजना मेनेजर डेभिड शर्माले नेपालमा कृषि, सेवा, उद्योग र पशुपालन र मेटल प्रोसेसिङ लगायतका क्षेत्रमा लगानी बढ्दै गएको बताए। वैदेशिक रोजगारीबाट थोरै पैसा लिएर आउने युवालाई आधुनिक कृषि टनेल, प्लास्टिकजन्य फोहोर व्यवस्थापन, अल्लो, लोक्ता लगायतका साना उद्योग र फर्ममा लगानी गर्न पनि सुझाए।
_x000D_
_x000D_
सो अवसरमा अन्तर्राष्ट्रिय श्रम संगठन (आइएलओ) का कन्ट्री डाइरेक्टर रिर्चड हावर्डले रोजगारी सिर्जनाका लागि लगानीकर्ता र श्रमिकको व्यवस्थापन मुख्य कुरा रहेको जनाउँदै यसमा आइएलओले सहकार्यमा काम गरिरहेको बताए।
_x000D_
_x000D_
युर्निभर्सिटी अफ कोरियाका प्राध्यापक छ्वे सुङ जुले नेपालबाट कामदार बाहिर जानेभन्दा पनि कोरियाबाट फर्केका दक्ष युवालाई स्वदेशमा नै रोजगारी दिनुपर्नेमा जोड दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
