काठमाडौं– प्रदूषण र दुर्घटना बढाएको भन्दै २० वर्षे सवारी सञ्चालनमा करिब अढाइ वर्षअघि आफैंले लगाएको प्रतिबन्ध उल्ट्याउने गरी प्रस्ताव मन्त्रिपरिषद्मा पुगेको छ। काठमाडौं र पोखराबाहेकका क्षेत्रमा २० वर्षे पुराना गाडी सञ्चालन गर्न दिने प्रस्ताव भौतिक पूर्वाधार तथा यातायात मन्त्रालयले मन्त्रिपरिषद्मा प्रस्ताव पुर्याएको छ।
_x000D_
_x000D_
मन्त्रालय स्रोतका अनुसार गाडी चलाउन सक्ने अवस्था हेरेर काठमाडौं उपत्यका र पोखराबाहेकका क्षेत्रमा २० वर्षे पुराना गाडी चलाउन दिने प्रस्ताव गरिएको छ।
_x000D_
_x000D_
काठमाडौं र पोखराबाहेकका क्षेत्रमा २० वर्षे सवारी चलाउन दिने सम्बन्धमा ‘भेइकल फिटनेस’ र ‘रोड वर्दिनेस’को आधारमा सवारी परीक्षण गर्ने र परीक्षणबाट उपयुक्त देखिएका सवारी चलाउन दिने प्रस्ताव मन्त्रालयले गरेको छ।
_x000D_
_x000D_
लामो दूरी र पहाडी क्षेत्रमा चल्ने अधिकांश गाडी बलिया हुने आधारमा मन्त्रालयले यस्तो प्रस्ताव पठाएको मन्त्रालयका एक उच्च अधिकारीले बताए।
_x000D_
_x000D_
काठमाडौं र पोखराको हकमा भने ‘प्रदूषण परीक्षण नगरी २० वर्ष कटेका सवारी प्रतिबन्ध लगाउने’ हालको व्यवस्थालाई भने निरन्तरता दिने प्रस्तावमा उल्लेख छ।
_x000D_
_x000D_
यातायात व्यवस्था विभागले गत १ चैतदेखि २० वर्ष पुराना सवारीलाई मुलुकभर चलाउन प्रतिबन्ध लगाएको थियो। यसअघि विभागले फागुन ०७३ देखि नै काठमाडौं उपत्यकामा यस्ता सवारी सञ्चालनमा रोक लगाएको थियो।
_x000D_
_x000D_
चैत ०७२ मा प्रधानमन्त्री केपी शर्मा ओलीकै सरकारले २० वर्षे सवारी सञ्चालन रोक्ने निर्णय गरेको थियो।
_x000D_
_x000D_
यसअघि मन्त्रालयले २० वर्षे सवारी चलाउने सम्बन्धमा अध्ययन समिति नै गठन गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790301717.jpeg)
-1786602170.png)
