काठमाडौं– सलमान खान त्यस्ता सुपरस्टार हुन् जसका फ्लप फिल्मले पनि सय करोडभन्दा बढी कलेक्सन गर्छन्। सलमानको ‘टाइगर ३’ले २०० करोडको व्यापार गरेको थियो।
तर एक समय थियो जब सलमान खानले एकै वर्ष तीन सुपरहिट फिल्म रिलिज गरेर हलचल मच्चाएका थिए।
यो सन् १९९९ को कुरा हो, जब सलमान खानको नाम बक्स अफिसमा चर्चित भएको थियो।
त्यो वर्ष सलमानका फिल्मले सबैभन्दा धेरै कमाउने ३ फिल्मको सूचीमा स्थान बनाएका थिए। एकपछि अर्को सुपरहिट फिल्मका कारण सलमान खानको स्टारडम चुलिएको थियो। उनले सोही वर्ष हलमा सबैभन्दा धेरै कमाउने तीन फिल्म रिलिज गरेका थिए।
हम साथ साथ हैं
५ नोभेम्बर १९९९ मा जब सलमान खानको फिल्म ‘हम साथ साथ हैं’ थिएटरमा रिलिज भयो। ९ करोडको बजेटमा बनेको यो फिल्मले विश्वभर ६९.५८ करोडको व्यापार गरेको थियो।
बीवी नम्बर १
सन् १९९९ मे २८ मा हलमा सलमानको अर्को फिल्म रिलिज भएको थियो। जसको नाम ‘बीवी नम्बर १’ थियो। यो फिल्मको कुल कलेक्सन ५० करोड नाघेको थियो। यो सन् १९९९मा सबैभन्दा धेरै कमाउने दोस्रो फिल्म थियो।
‘हम दिल दे चुके सनम’
सलमान खानको ‘हम दिल दे चुके सनम’ १८ जुन १९९९ मा रिलिज भएको थियो। यस फिल्ममा ऐश्वर्या राय र सलमान खानको जोडी देख्न सकिन्छ। यस फिल्मको बजेट १६ करोड थियो र यसले विश्वव्यापी ५१.३८ करोडको व्यापार गरेको थियो। यो सन् १९९९ को सबैभन्दा धेरै कमाउने तेस्रो फिल्म थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
