काठमाडौं– बलिउडका चर्चित अभिनेता मुश्ताक खानको निधन भएको छ। उनको निधनको पुष्टि फेडरेशन अफ वेस्टर्न इन्डिया सिने एम्प्लोइजका अध्यक्ष बीएन तिवारी र अल इन्डिया सिने वर्कर्स एसोसिएसनका अध्यक्ष सुरेश श्यामलाल गुप्ताले द इन्डियन एक्सप्रेसको ‘स्क्रिन’ म्यागजिनसँग गरेका छन्।
सुरेश श्यामलाल गुप्ताका अनुसार मुश्ताक खानलाई पाँच वर्षअघि फोक्सोको क्यान्सर भएको थियो। उपचारपछि उनी निको भएका थिए। तर करिब दुई साताअघि पुनः स्वास्थ्य समस्या देखिएपछि उनलाई मुम्बईस्थित नानावटी अस्पतालमा भर्ना गरिएको थियो।
मध्य प्रदेशको बालाघाट जिल्लामा जन्मिएका मुश्ताक खानले फिल्मसँगै टेलिभिजनमा पनि अभिनय गरेका थिए। हास्य तथा सहायक भूमिकामा देखिएका उनले आफ्नो सहज अभिनय शैली र कमेडी टाइमिङमार्फत दर्शकमाझ छुट्टै पहिचान बनाएका थिए।
सन् २००७ मा प्रदर्शनमा आएको फिल्म **‘वेलकम’**मा उनले निभाएको अपांगता भएका हक्की खेलाडीको भूमिका निकै चर्चित बनेको थियो। त्यसबाहेक उनले ‘आशिकी’ (१९९०), ‘हम हैं राही प्यार के’ (१९९३), ‘हेरा फेरी’ (२०००) र ‘जोडी नम्बर १’ (२००१) लगायतका फिल्ममा अभिनय गरेका थिए।
लामो अभिनय यात्रामा मुश्ताक खानले विभिन्न फिल्ममा सहायक तथा हास्य भूमिकामा काम गर्दै थुप्रै यादगार पात्र प्रस्तुत गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1789631269.jpg)
