बालबालिकाको मुन्द्रा चोर्ने युवती पक्राउ, जसले चोरेकी थिइन् १३ बालबालिकाको मुन्द्रा

सुरक्षा/अपराध

नेपाल लाइभ शुक्रबार, पुस २७, २०८० १३:१२

काठमाडौं- बालबालिकाले कानमा लगाएको सुनको मुन्द्रा चोरी गरेको आरोपमा एक महिलालाई प्रहरीले पक्राउ गरेको छ। पक्राउ पर्नेमा पोखरा महानगरपालिका–४ गणेशटोलकी ३४ वर्षीय टीका श्रेष्ठ छिन्।

उनलाई जिल्ला प्रहरी कार्यालय कास्कीको टोलीले बिहीबार पक्राउ गरेको हो। पक्राउ परेकी श्रेष्ठ विरुद्ध चोरी तथा डाँका सम्बन्धीको कसुरमा अनुसन्धान लागि जिल्ला अदालत कास्कीबाट ७ दिनको म्याद थप समेत भइसकेको छ।

पुस २० गते दिउँसो साढे २ बजेतिर पोखरा–१२ शितलादेवी स्कुलमा पढ्ने ६ वर्षकी बालिकालाई ललाई-फकाई कानमा लगाएको सुनको मुन्द्रा चोरेर उनी फरार भएकी थिइन्। ती बालिकाको घरबाट भुड्कीको पैसा समेत चोरेर फरार भएकी उनलाई कास्की प्रहरीले पक्राउ गरेको हो।

उनीबाट २ हजार २४० रुपैयाँसमेत प्रहरीले बरामद गरेको छ। पक्राउ परेकी श्रेष्ठले यसअघि पनि १२ जना बालबालिकाको मुन्द्रा चोरिसकेको पाइएको छ । चोरी कसुरमा उनी ९ महिना कैद भुक्तान गर्दै र २८ हजार रुपैयाँ जरिवाना तिरेर केही समय पहिला छुटेकी थिइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एकैदिन तोलामा १६ सय रूपैयाँले बढ्यो सुनको मूल्य

रवि लामिछाने अदालतमा उपस्थित, थुनछेक बहस आजै

भरियाले धानेकोे खुम्बु क्षेत्रको ढुवानी