घुससहित पक्राउ परेका बुढानीलकण्ठ नगरपालिकाका सब-इन्जिनियर विरुद्ध मुद्दा दायर

सुरक्षा/अपराध

नेपाल लाइभ मंगलबार, पुस २४, २०८० १४:०१

काठमाडौं– घुस रकमसहित पक्राउ परेका काठमाडौंको बुढानीलकण्ठ नगरपालिकाका सब-इन्जिनियरसहित दुई जना विरुद्ध भ्रष्टाचार मुद्दा दायर भएको छ। अख्तियार दुरुपयोग अनुसन्धान आयोगको टोलीले मंगलबार विशेष अदालतमा मुद्दा दायर गरेको हो।

करारका सब–इन्जिनियर टिकाराज राई र ठेकेदार रामचन्द्र सुनुवार विरुद्ध मुद्दा दायर गरिएको अख्तियारका प्रवक्ता देवीप्रसाद थपलियाले बताए।
सब–इन्जिनियर राईले घर निर्माण सम्पन्न भएको प्रमाणपत्र उपलब्ध गराए वापत सेवाग्राहीसँग घुस लिँदै गर्दा अख्तियारको टोलीले पक्राउ गरेको थियो। ८० हजार रुपैयाँ घुस लिँदै गर्दा मंसिर १४ गते राई र सुनुवार पक्राउ परेका थिए।

सब–इन्जिनियर र ठेकेदारले आपसी मिलोमतो गरी निर्माण भएको घरको नक्सा संशोधन गरी घर निर्माण सम्पन्न प्रमाणपत्र उपलब्ध गराउनका लागि भन्दै ८० हजार घुस लिएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एकैदिन तोलामा १६ सय रूपैयाँले बढ्यो सुनको मूल्य

रवि लामिछाने अदालतमा उपस्थित, थुनछेक बहस आजै

भरियाले धानेकोे खुम्बु क्षेत्रको ढुवानी