भारतीय कुस्ती संघका पूर्व अध्यक्ष वृजभूषण शरण सिंह (फाइल तस्बिर) नयाँ दिल्ली– भारतको केन्द्र सरकारले भारतीय कुस्ती संघलाई निलम्बन गरेको छ। साथै नवनिर्वाचित कार्यकारिणी समितिलाई भंग गर्ने पनि सरकारले घोषणा गरेको छ।
समाचारअनुसार संघको नयाँ कार्यसमिति निर्वाचित भएपछि गरिएका सबै निर्णहरु पनि रद्द गरिएको छ। अहिले गरिएको निलम्बन आगामी आदेश जारी नहुन्जेलसम्मलाई कायम रहने समाचार संस्था प्रेस ट्रस्ट अफ इन्डिया (पीटीआई)ले उल्लेख गरेको छ।
भारतीय कुस्ती संघमा केन्द्र सरकारको सत्तारुढ दल भारतीय जनता पार्टी (भाजपा)का सांसद समेत रहेका बृजभूषण शरण सिंहको वर्चस्व छ। संघका पूर्व अध्यक्ष रहेका सिंहले महिला कुस्तीबाज (खेलाडी)माथि यौन शोषण गरेको आरोप लाग्दै आएको छ।
विगत १ वर्षभन्दा बढी समयदेखि कुस्ती संघविरुद्ध खेलाडीहरुले संघर्ष गर्दै आएका थिए। यसबीचमा संघको निर्वाचन भयो र नयाँ कार्यसमितिमा पनि पूर्व अध्यक्ष सिंहकै समूहका व्यक्तिहरु निर्वाचित भए।
त्यसपछि खेलाडीहरु झन् निराश भए। खेलाडीहरुले खेल नखेल्दै घोषणा गर्दै आफूहरुले सरकारबाट पाएका सम्मान समेत फिर्ता गर्न थालेका थिए।
कुस्ती संघको नयाँ कार्यसमितिप्रति असन्तुष्टि जनाउँदै कुस्तीबाज बजरंग पुनियाले २ दिन अगाडि मात्रै पद्मश्री पुरस्कार सरकारलाई फिर्ता गरेका थिए। कुस्ती संघलाई निलम्बन गर्ने सरकारको निर्णयले पुनिया अहिले खुसी छन्। ‘जो पनि यो फैसला लिलिएको छ, यो बिलकुल ठीक फैसला हो। हाम्री छोरी–चेलीसँग जुन अत्याचार भयो, जुन मानिसले गरे उनीहरुलाई संघबाट हटाउनु पर्दछ,’ पुनियाले भने।
यस्तै, अर्का कुस्तीबाज दिनेश फोगाटले एउटा निजी च्यानलसँग कुराकानी गर्दै संघलाई निलम्बन गर्ने कुरा खुसीको खबर भएको बताएका छन्। ‘यो खुसीको खबर हो। हामी चाहन्छौं कि यो पदमा कोही महिला आउन्, ताकि यो सन्देश जाओस् कि महिलाहरु अगाडि बढुन्। अब राम्रो व्यक्ति आउनु पर्छ।’
नयाँ कार्यसमिति चयन भएपछि कुस्ती संघले यू–१८ र यू–१५ को छनोट प्रतियोगिता नन्दनीनगरको गोंडा जिल्लामा आयोजना गर्ने निर्णय गरेको थियो। गोंडा संघका पूर्वअध्यक्ष बृजभूषणको क्षेत्र हो।
गोंडामा प्रतियोगिता सञ्चालन गर्ने निर्णय सार्वजनिक भएपछि कुस्ती संघविरुद्ध सामाजिक सञ्जालमा पनि व्यापक विरोध भएको थियो।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1745398455.png)
-1745397626.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
-1743318385.png)
