महिलाको हत्या गरी चिलाउनेको रुखमा शव झुण्डाउने व्यक्ति भूकम्पमा कारागारबाटै भागे, ८ वर्षपछि पोखराबाट परे पक्राउ

सुरक्षा/अपराध

नेपाल लाइभ बुधबार, पुस ४, २०८० १६:३६

काठमाडौं– कर्तव्य ज्यानसम्बन्धी मुद्दाका फरार व्यक्तिलाई प्रहरीले पक्राउ गरेको छ। केन्द्रीय अनुसन्धान ब्यूरो (सीआईबी)को टोलीले सिन्धुपाल्चोक घर भएका ४२ वर्षीय काले बाङगेल भनिने निमा लामालाई पक्राउ गरेको हो।

उनलाई कास्कीको विजयपुरबाट मंगलबार पक्राउ गरिएको सीआईबीका प्रवक्ता तथा एसपी नवराज अधिकारीले जानकारी दिए। कर्तव्य ज्यान र थुनुवा कैद भागे/भगाएको कसुरमा उनलाई २९ वर्ष ६ महिना २० दिनको कैद सजाय सुनाइएको थियो।

२०७१ वैशाख २८ गते राति साढे ११ बजे निमाले सिन्धुपाल्चोकको साविकको ठूलोपाखर गाविस–२ बस्ने ४३ वर्षीय कालिमाया लामाको हत्या गरेका थिए। निमासहितका व्यक्तिले कालिमायालाई कुटपिट गरी पटुकाले घाँटी कसेर हत्या गरी चिलाउनेको रुखमा झुण्याएका थिए।

उक्त कर्तव्य ज्यानको कसुरमा निमालाई अदालतले २०७१ चैत १७ गते २० वर्ष कैदको सजाय सुनाएको थियो। २० वर्ष कैद भुक्तान गर्ने क्रममा २०७२ वैशाख १२ गते भूकम्प गएपछि निमा कारागारबाट फरार भएका थिए।

थुनुवा कैद भागे/भगाएको कसुरमा निमालाई २०७४ फागुन ९ गते थप ९ वर्ष ६ महिना २० दिनको कैद सजाय सुनाइएको थियो। भूकम्पपछि फरार रहेका निमालाई मंगलबार पक्राउ गरी फैसला कार्यान्वयनका लागि जिल्ला अदालत काठमाडौंमा पेस गरिएको सीआईबीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित