कमेडियन अपूर्व क्षितिजमाथि अनुसन्धान गर्न पुन: पाँच दिनको म्याद थप

समाचार

नेपाल लाइभ बुधबार, भदौ २२, २०७९ १५:२४

काठमाडौं– कमेडियन अपूर्व क्षितिज सिंहमाथि पुन: म्याद थप गरिएको छ। यसअघि १३ गते अनुसन्धानका लागि १० दिनको म्याद थप गरिएको थियो।

उनीमाथि अनुसन्धान गर्नका लागि पुन: पाँच दिनको म्याद थप गरिएको जिल्ला प्रशासन कार्यालय काठमाडौंले जनाएको छ।

नेवार समुदायको आस्था र संस्कृतिमाथि आघात पुर्‍याएको आरोपमा सिंहलाई प्रहरीले पक्राउ गरिएको थियो। केही साताअघि ‘कमेडी क्याफे’ नामक ‘स्ट्यान्ड अप कमेडी’मा कमेडियन सिंहले नेवार समुदायलाई लक्षित गर्दै कमेडी गरेपछि विवाद भएको थियो।

भिडियो सार्वजनिक भएपछि सामाजिक सञ्जालमा सिंहको आलोचना भएको थियो। उक्त कमेडीको विरोध गर्दै नेवा समुदायका अभियन्ताहरुले कारबाहीको माग गर्दै प्रहरी परिसरमा जाहेरी दिएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बाजुरामा जिउँदै गाईलाई नदिमा बगाउनेलाई कारवाहीको माग

प्रतिनिधिसभा बैठक सुरु (Live)

आज सुनको मूल्य स्थिर, चाँदीको कति ?