विश्व

अपेक्षाभन्दा अत्यधिक अनुरोध प्राप्त भएपछि राेकियाे ट्विटर एकाउन्ट भेरिफिकेसन कार्यक्रम

नेपाल लाइभ आइतबार, जेठ १६, २०७८ १५:१९

काठमाडाैं- माइक्रो ब्लगिङ साइट ट्विटरले पुन: एकाउन्ट भेरिफिकेसन प्रक्रिया बन्द गरेकाे छ। एकाउन्ट भेरिफिकेसन कार्य एक हप्ता नपुग्नै ट्विटरले उक्त कार्य बन्द गरेको हाे।

ट्विटरले सन् २०१७ देखि भेरिफिकेसन प्रक्रिया तथा आवेदन मूल्यांकन राेकेकाे छ। तर, यसै हप्ता चार वर्षपछि पुन: एकाउन्ट भेरिफिकेसन प्रक्रिया सुरु गरेकाे जानकारी दिएकाे थियाे।

तर, भेरिफिकेसनका लागि अपेक्षाभन्दा अत्यधिक अनुरोध प्राप्त भएसँगै तत्कालका लागि कार्यक्रम रोकिएको ट्विटरले जनाएको छ।

अहिले सीमित विधाका प्रयोगकर्ताहरुलाई मात्रै ट्विटरले भेरिफिकेसनको सुविधा दिएको छ। यसअघिको नीतिलाई फेर्दै ट्विटरले गत डिसेम्बरमा मात्रै भेरिफिकेसन सम्बन्धि नयाँ नीति ल्याएको थियो।

यही नीतिअनुसार केही हप्ताभित्र एकाउन्ट सेटिङमा भेरिफिकेसन आवेदनको ट्याब देखिने ट्विटरले जनाएको थियाे। भेरिफिकेसन गर्न ६ वटा विभिन्न विधाका प्रयोगकर्ता हुनु जरुरी हुन्छ।

यो पनि पढ्नुहोस्

ट्विटरले चार वर्षपछि पुन: एकाउन्ट भेरिफिकेसन प्रक्रिया सुरु गर्दैशनिबार, जेठ ८, २०७८

ट्विटरका अनुसार सरकारी निकायसँगै समाजका प्रतिष्ठित एवम् प्रभाव पार्ने कुनैपनि कम्पनी तथा संस्था, ब्राण्ड, सञ्चारमाध्यम र पत्रकार, मनोरञ्जन, खेलकुद, अभियन्ता, आयोजकलगायतकाको ट्विटर खातालाई भेरिफिकेसन दिइने जनाइएकाे थियाे।

ट्विटरका अनुसार भेरिफिकेसन कार्यक्रममा भएको स्थगित अस्थायी प्रकृतिको हो। हालसम्म प्राप्त भएका निवेदनहरु समीक्षा गरेर टुंगो लगाइनेछ। त्यसपछि छिटै नै भेरिफिकेसन अनुरोध खुल्ला गरिने ट्विटरले जनाएकाे छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पाथीभरासहित ताप्लेजुङको उच्च क्षेत्रमा हिमपात

जय ट्रफी: बुधबार दुई खेल हुँदै

डोटीको जंगलमा भेटियो महिलाको शव