नेपाल कम्युनिष्ट पार्टी निर्वाचन आयोगमा दर्ता भएको भन्नु भ्रामक : अध्यक्ष कट्टेल

राजनीति

नेपाल लाइभ आइतबार, जेठ ६, २०७५ ०८:३०

काठामाडौं– नेपाल कम्युनिष्ट पार्टीले एमाले र माओवादी केन्द्र मिलेर 'नेपाल कम्युनिष्ट पार्टी' गठन गरिएको भन्ने समाचारप्रति आपत्ती जनाएको छ।

अध्यक्ष ऋषीराम कट्टेलले आज एक विज्ञप्ती जारी गर्दै ‘नेपाल कम्युनिष्ट पार्टी’ नामको पार्टी निर्वाचन आयोगमा दर्ता गरिएको भन्नु भ्रामक भएको जनाएका छन्। नेपाल कम्युनिष्ट पार्टी संविधानसभाको दोस्रो निर्वाचनदेखि नै निर्वाचन आयोगमा दर्ता भएको जनाइएको छ। सो क्रममा राजनीतिक दल सम्वन्धि ऐन २०७३ को दफा ४८ अनुसार ‘नेपाल कम्युनिष्ट पार्टी’ दर्ता गरि चुनाव चिन्ह ‘घन कोदालो’ प्राप्त गरेको विज्ञप्तिमा उल्लेख छ।

अध्यक्ष कट्टेलले प्रस्ट कानुनी व्यवस्था हुँदाहुँदै सत्तासिन दलले नै गैरकानुनी क्रियाकलाप गर्नाले उनीहरुको अधिनायकवादी चरित्रको पर्दाफास भएको बताएका छन्। यस्ता कार्यले नेपालको संविधान, कानुन र सिंगो संसदीय व्यवस्थाको मानमर्दन गरेकोसमेत उनले आरोप लगाएका छन्।

विज्ञप्तिमा सरकारमा रहेका दलहरुले असंवैधानिक र गैह्रकानुनी बाटो अवलम्वन गरेमा त्यसको प्रतिरोध गर्नेसमेत चेतावनी दिइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

ब्रह्माण्ड किन बन्यो भन्ने प्रश्नको उत्तर खोज्न वैज्ञानिक प्रतिस्पर्धा

नागरिकमाथि गोली प्रहार गर्नु माओवादी हिंसाको चरम कायरता थियो : सिटौला

भिजिट भिसा प्रकरण : आरोप साँचो सावित भए मन्त्री पदमात्र होइन, राजनीति नै छोड्छुः गृहमन्त्री लेखक