काठमाडौँ – सरकारले संघीय निजामती सेवा विधेयक संसदमा पेस गर्ने भएको छ । मंगलबार बसेको मन्त्रिपरिषद् बैठकले यस्तो निर्णय लिएको छ ।
लोकसेवा आयोगले दिएको परामर्श वेवास्ता गर्दै सरकारले विधेयक संसदमा लान लागेको हो । खासगरी पेन्सन अवधि ३० वर्ष, अवकास उमेर ५५ वर्ष तथा सचिव, सहसचिव, महानिर्देशकजस्ता पदमा बाहिरबाट सोझै नियुक्ति गर्ने प्रावधानप्रति आयोगले असहमति जनाएको थियो ।
तर सरकारले दस हजारभन्दा बढी कर्मचारीलाई एकैसाथ अवकास दिने गरी विधेयक अगाडि बढाउन लागेको छ ।
बैठकपछि सरकारका प्रवक्ता एवम् शिक्षा तथा खेलकुदमन्त्री सस्मित पोखरेलले कानुन निर्माण प्रक्रियालाई अगाडि बढाउँदै तीन वटा महत्त्वपूर्ण विधेयकहरू संघीय संसद्मा पेस गर्न स्वीकृति प्रदान भएको जानकारी दिए।
उनका अनुरासमसंघीय निजामती सेवा सम्बन्धी कानुनलाई संशोधन र एकीकरण गर्न बनेको विधेयक, पशु वधशाला र मासु जाँच ऐन २०५५ लाई संशोधन गर्न बनेको विधेयक तथा अपाङ्गता भएका व्यक्तिको अधिकार सम्बन्धी ऐन २०७४ लाई संशोधन गर्न बनेको विधेयक संघीय संसद्मा पेस गर्न स्वीकृति दिइएको हो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
