नयाँ दिल्ली– भारतीय राष्ट्रिय कंग्रेस (कंग्रेस–आई) का अध्यक्ष राहुल गान्धीले प्रधानमन्त्री नरेन्द्र मोदीले भ्रष्टाचारलाई प्रोत्साहन मात्र गरेको नभइ उनी आफै भ्रष्टाचारी बनेको आरोप लगाएका छन्।
शनिबार सञ्चारकर्मीलाई सम्बोधन गर्दै गान्धीले भने,‘तपाईंहरूले प्रत्यक्ष देखिरहनु भएको छ प्रधानमन्त्रीले कर्नाटकमा कसरी विधायकहरूलाई केनबेच गर्न अधिकार दिइरहनुभएको छ।’, गान्धीले भने, ‘प्रधानमन्त्रीले मुलुकमा आफू भ्रष्टाचारविरुद्ध लडिरहेको भन्नुहुन्छ तर यो पूर्णतया झूट हो। उहाँ आफै भ्रष्टाचारी हो।’
‘यो भारतीय जनता पार्टी (भाजपा)लाई पाठ भएको छ कि प्रधानमन्त्री मोदी र पार्टीप्रमुख अमित शाहभन्दा भारतीय 8, जनता र व्यवस्था ठूला हुन्।’
गान्धीले भने,‘प्रधानमन्त्री मोदी र हत्याको आरोप लागेका शाहसहित विजेपीलाई मुलुकले देखाइदिइसकेको छ कि उहाँहरूको पैसाको थैलीभन्दा भारतीय संघसंस्था ठूला हुन्।’
नेता गान्धीले भारतीय प्रतिपक्षी दलहरूलाई एकआपसमा एकता गरी विजेपीलाई हराएकोमा कृतज्ञता व्यक्त गरे।
नेता गान्धीले भने,‘मलाई गर्व लागेको छ विपक्षी दलहरू एक भएर विजेपीलाई हराएका छन्। हामीले यसलाई जारी राख्ने छौँ। भारतमा जनताको इच्छा नै सर्वोच्च रहेको छ। म कर्नाटकका जनता, हाम्रो दल र जनता दलका नेता, कार्यकर्ता र शुभेच्छुकलाई कर्नाटकको निर्वाचनमा देखाएको भ्रष्टाचार विरुद्धको ऐक्यवद्धताका लागि धन्यवाद ज्ञापन गर्न चाहन्छु।’
भाजपा र राष्ट्रिय स्वयम्सेवक दल (आरएसएस)प्रति लक्षित गर्दै कंग्रेस–आईका अध्यक्षले भने,‘मलाई लाग्छ भाजपा र आरएसएसले पाठ सिक्नुपर्छ कि भारतीय 8, जनता चाहना र व्यवस्थालाई यो देशमा अनादर गर्न सम्भव छैन।’
भाजपाका विधायक तथा सभामुख राष्ट्रिय गानभन्दा पहिले किन सदन छोडेर बाहिर गए यसले प्रश्न खडा गरेको गान्धीले बताए।
‘तपाईंले थाहा पाउनुभयो कर्नाटकमा सम्पूर्ण प्रयासका बाबजुद पनि भाजपाका विधायक र सभामुख राष्ट्रिय गान पहिले नै निस्किए। आज हामी यसैका विरुद्ध लडिरहेका छौँ।’
कर्नाटकमा राज्य सरकारका गभर्नर भाजुभाई आर भालाले कंग्रेस र जनता दलको गठबनधनमा बहुमत विधायक रहँदा–रहँदै पनि भाजपालाई सरकार गठनका लागि बोलाएपछि राजनीतिक सङ्कट उत्पन्न भएको थियो। भालाले येद्युरप्पा सरकारलाई बहुमत पुष्टि गर्न १५ दिनको समय दिएका थिए।
त्यसपछि कंग्रेसले भारतीय सर्वोच्च अदालतमा मुद्दा दायर गराएको थियो। तत्पश्चात् उक्त मुद्दामा विरलै मानिने मध्यरातमा तीन न्यायाधीश ए के सिक्री, एस ए वोब्दे र अशोक भुषणको बेन्चले सुनुवाई गरी येद्युरप्पालाई मुख्यमन्त्रीका रूपमा सपथ नखान तत्कालका लागि निर्देशन गरिएको थियो। यसले बिहीबार हुने भनिएको सपथ ग्रहण पछि सरेको थियो। रासस/एएनआई
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
