सगरमाथा क्षेत्रमा नेपाली महिलाको खुसी, गरियो फोटो प्रदर्शनी (फोटो फिचर)

समाचार

नेपाल लाइभ मंगलबार, वैशाख १८, २०७५ १०:५४

सगरमाथा- सगरमाथा क्षेत्रमा पहिलो पटक फोटो प्रदर्शनी गरिएको छ।

सगरमाथा आरोहणमा गएकी फोटो पत्रकार पूर्णिमा श्रेष्ठले प्रदर्शनी गरेकी हुन्। सगरमाथाको ६ हजार ३० मिटर उचाइको क्याम्प १ बाट प्रदर्शनी थालेकी उनले क्याम्प २ र ३ मा पनि प्रदर्शनी गरेकी छन्। क्याम्प टू को उचाइ ६ हजार ५ सय ३० मिटर छ भने क्याम्प थ्री ६ हजार ८ सय ५० मिटरको उचाइमा छ।

'नेपाली वुमेन स्माइल'शीर्षक दिइएको प्रदर्शनीमा नेपाली महिलाको प्रफुल्लित मुद्राका ३० फोटो राखिएका छन्। सगरमाथामा फोटो प्रदर्शनी गर्ने लक्ष्य राखेर उनले पाँच वर्षअघिदेखि ती फोटोहरु खिचेकी थिइन्।

फोटो पत्रकार श्रेष्ठले महिलाको खुसीलाई सगरमाथाको चुचुरोमा पुर्‍याउने भन्दै मुस्कानका फोटो छनोट गरेकी हुन्।

फोटो पत्रकार श्रेष्ठले सगरमाथाको आधार शिविरबाट फोटो प्रदर्शन गर्दै चुचुरोसम्म पुग्ने र फर्किँदा सोही फोटो र सगरमाथा क्षेत्रमा खिचेका अन्य फोटो पनि काठमाडौं ल्याएर प्रदर्शनी गर्ने बताएकी छन्।

फोटो पत्रकार क्लबको सदस्य रहेकी श्रेष्ठको आरोहण दलमा विदेशीसहित ११ जना छन्। यसअघि मनास्लुको सफल आरोहण गरेर उनी सगरमाथा आरोहणमा गएकी हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कुलिङ पिरियडको प्रावधानबाट समिति पछि हट्दैन: सभापति खतिवडा

जापानमा ट्याक्सी चालकले ५० महिलालाई बलात्कार गरेको आशङ्का

सगरमाथा आरोही छत्यालको बढुवा, दर्ज्यानी चिन्ह प्रदान