काठमाडौं- २५६२औं बुद्ध जयन्तीका अवसरमा आज विभिन्न ठाउँमा कार्यक्रमहरु भइरहेका छन्।
प्रत्येक वर्ष बैसाख शुक्ल पूर्णिमाको दिनलाई भगवान् गौतम बुद्धको जन्म जयन्तीका रुपमा मनाउने गरिन्छ। गौतम बुद्ध जन्मिएको, बुद्धत्व प्राप्त गरेको र उनले महापरिनिर्वाण प्राप्त गरेको दिनलाई बौद्ध धर्मावलम्बीहरुले विशेष दिवसमा रुपमा मनाउने गरेका छन्।
राजा शुद्धोधन र रानी मायादेवीको सुपुत्रका रुपमा जन्मिएका सिद्धार्थले २९ वर्षको उमेरमा घरबार र दरबार त्यागी ज्ञानको खोजीमा निस्किएका थिए। ध्यानपश्चात उनले बुद्धत्व प्राप्त गरे। उनले आर्य अष्टाङ्गिक मार्ग र पञ्चशीलको उपदेश प्रदान गरेका छन्। आर्य अष्टाङ्गिक मार्गमा सम्यक दृष्टि, सम्यक सङ्कल्प, सम्यक वचन, सम्यक कर्म, सम्यक जीविका, सम्यक व्यायाम, सम्यक स्मृति र सम्यक समाधि पर्दछन्।
काठमाडौंको स्वयम्भू, बौद्ध लगायतका ठाउँमा पनि बुद्ध धर्मावलम्बीहरुले भगवान् बुद्धको सम्झना गर्दै उनको जयन्ती मनाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
