काठमाडौं- भिआइपी उद्योगी सुलभ अग्रवाल विगत १२ दिनदेखि महानगरीय प्रहरी वृत्त दरबारमार्गको प्रहरी हिरासतमा छन्। यतिका दिनसम्मको हिरासत बसाईमा न त उनी हिरासतमा भएका अन्य थुनुवासँग दोहोरो बात नै गर्छन्, न त प्रहरीले सोधेका प्रश्नको खुलेरै जवाफ दिन्छन्।
‘घोसेमुन्टो लगाइराख्नु र कम बोल्नु उनको विशेषतै जस्तो देखिन्छ’, वृत दरबारमार्गका एक प्रहरी जवान सुनाउँछन्।
दरबारमार्ग हिरासतमा राखिए पनि अग्रवालमाथिको अनुसन्धान र मुद्दा चलाउने काम भने महानगरीय प्रहरी परिसर टेकुबाट भएको छ। तर, टेकुका अनुसन्धान अधिकृत सामू पनि अग्रवाल खुलेर बोल्दैनन्। परिसर टेकुका प्रवक्ता तथा डिएसपी होविन्द्र बोगटी भन्छन्, ‘नयाँ केही खुल्न सकेको छैन। पक्राउ गर्दा जे थियो, त्यही नै हो।’
अग्रवाललाई कालोबजारी गर्न लागेको अवस्थामा ६७ थान थर्मल गनसहित अपराध महाशाखाको टोलीले पक्राउ गरेको थियो। तर, महाशाखालाई मुद्दा चलाउने अधिकार छैन। जसको बाध्यताका कारण पक्राउ गरे पनि परिसर तथा सम्बन्धित वृत्तमा पठाउनुपर्ने हुन्छ। अग्रवाललाई पनि अनुसन्धान मुद्दा चलाउनका लागि महाशाखाले परिसरलाई सुम्पिएको थियो।
लकडाउन अघिका सामान्य दिनमा काठमाडौं परिसर र मातहतका १४ वटा वृत्तमा दैनिक ५ सयको हाराहारीमा थुनुवा रहन्थे। तर अहिले त्यो संख्या घटेर जम्मा २४ पुगेको छ।
तर अचम्मको कुरा, टेकुको हिरासत खाली छ। अग्रवाललाई भने दरबारमार्गको हिरासतमा राखिएको छ। जबकि, अनुसन्धान भने फेरि टेकुबाटै भइरहेको छ। पक्राउ गर्ने एउटा कार्यालय, थुनुवा राख्ने अर्को कार्यालय र अनुसन्धान गर्ने र मुद्दा चलाउने अर्को कार्यालय हुँदा अग्रवालको अनुसन्धानमा प्रहरीले सोचे जस्तो सफलता पाएको छैन।
अग्रवालले १२ सय थान थर्मल गन ल्याएको भन्सार पासको बिलमा प्रष्ट उल्लेख छ। तर बाँकी १ हजार १ सय ३३ थान थर्मल गन कहाँ गए भन्ने प्रहरीले अहिलेसम्म पत्ता लगाउन सकेको छैन।
यसबारे पूर्व डिआइजी हेमन्त मल्ल भन्छन्, ‘एउटा कार्यालयले पक्राउ गरेर अर्को कार्यालयले मुद्दा चलाउँदा र अनुसन्धान गर्दा खासै केही फरक पर्दैन। अब बाँकी थर्मल गन किन पत्ता लागेनन् भन्ने प्रश्नको उत्तर चाहिँ सम्बन्धित प्रहरीले दिनुपर्छ।’
अग्रवाललाई पक्राउ गर्ने बित्तिकै अपराध महाशाखाको टोलीले उनको अफिस र घरमा छापामा मारेको थियो। तर त्यो क्रममा पनि केही फेला परेको थिएन।
आइतबार सिडिओ कार्यालय पेश
एक पटक ७ र अर्को पटक ५ दिन गरेर १२ दिनको म्याद थप गरेर कालोबजार तथा केही सामाजिक अपराध तथा सजाय ऐन, २०३२ अन्तर्गतको कसुरमा अग्रवालमाथि प्रहरीले अनुसन्धान गरेको छ। अनुसन्धानमा कुनै नयाँ तथ्य उजागर गर्न नसकेको परिसरले आइतबार जिल्ला प्रशासन कार्यालयमा अग्रवाललाई पेश गर्ने तयारी गरेको छ।
उक्त मुद्दा सिडिओको अधिकार क्षेत्रभित्र पर्छ ।
ऐनको दफा ३ (१) को दफा २ अन्तर्गत मोल निर्धारित भएकामा बाहेक नेपाल सरकारले तोकेको कुनै माल वस्तुको व्यापार गर्ने व्यक्तिले माल वस्तु र व्यापारको प्रचलनअनुसार सामान्यतया सय कडा २० भन्दा बढी मुनाफा लिएको अवस्थामा वा अभावको लाभ उठाई सो माल वस्तुको अनुचित नाफा लिई बिक्री गरेमा निजलाई एक वर्षसम्म कैद वा दुई लाख पचास हजार रुपैयाँसम्म जरिवाना वा दुवै हुन सक्ने प्रावधान छ।
अब अग्रवालको हकमा भने अहिललेलाई धरौटीमा छाड्ने वा थुनामा पठाउने भन्ने अधिकार सिडिओको कार्यक्षेत्र छ।
महाशाखाले अग्रवाललाई कुटनीतिक नियोगको नम्बर प्लेटको झण्डावाला कारसहित पक्राउ गरेको थियो। अग्रवालले चीनको गोन्जाउबाट चैत २१ गते थर्मल गन ल्याएका थिए। अग्रवालको कम्पनीले चीनबाट सेटिङमा आफ्नो मात्रै सामान ल्याएको थियो। सेटिङमा आफ्नो कम्पनीको मात्रै मेडिकल उपकरण तथा औषधि ल्याउँदै सामान कालोबजारीमा बिक्री गरिरहेको थियो।
शंकर ग्रुपले कालोबजारीमा सामान बिक्री गर्नकै लागि अन्य व्यवसायीको सामान नेपाल एयरलाइन्सको चार्टर उडानबाट ल्याउन दिएको थिएन।
उनलाई प्रहरी आफैं ग्राहक बनेर महँगोमा थर्मल गन किन्ने बहाना बनाउँदै समातेको थियो।
अग्रवालले २१ गते नेपाल एयरलाइन्सको वाइडबडी जहाजमा १२ सय थर्मल गन ल्याएका थिए। अग्रवालको कम्पनीले उक्त गन चीनमा २० डलरमा खरिद गरेका थिए।
उनले सामान खरिद गरको समयमा डलरको भाउ १ सय २१ रुपैयाँ थियो। सोही दरमा उक्त थर्मल गन खरिदमा अग्रवालको कम्पनीले २ हजार ४ सय २० रुपैयाँमा खरिद गरेको देखिएको छ। साढे २४ सयको सोही थर्मल गन १५ हजार रुपैयाँमा बिक्री गर्ने क्रममा प्रहरीको स्टिङमा परी अग्रवाल पक्राउ परेका थिए।
सम्बन्धित समाचारहरुः
जगदम्बा स्टिलका सञ्चालक सुलभ अग्रवाल ज्वरो नाप्ने यन्त्र कालोबजारी गरेको आरोपमा पक्राउ
पक्राउ गर्न खोज्दा प्रहरी भ्यानकै 'लुकिङ ग्लास' फुटाइदिए जगदम्बाका सुलभ अग्रवालले
जगदम्बाका सुलभ अग्रवालले चढ्ने गाडी नै अवैधानिक
जगदम्बाका सञ्चालक अग्रवालको घर र अफिसमा प्रहरीको छापा, भेटिएन थर्मल गन
साढे २४ सयमा किनेको थर्मल गन १५ हजारमा बेच्न खोज्दा अग्रवाल परे प्रहरीको फन्दामा
बिरामीको नाटक गर्दै अस्पताल भर्ना हुने अग्रवालको दाउ विफल, हिरासतमै बित्ने भयो रात
अग्रवाललाई अनुसन्धानका लागि ७ दिनको म्याद थप
अग्रवाल प्रकरणपछि खोसियो अवैतनिक वाणिज्यदूतका सुविधा
अग्रवाललाई थप ५ दिन हिरासतमा राख्न अनुमति
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
