काठमाडौं– महामारीको मौका छोपेर थर्मल गनमा कालोबजारी गरेको अभियोगमा मंगलबार पक्राउ परेका व्यापारी सुलभ अग्रवाललाई थप अनुसन्धानका लागि ७ दिनको म्याद थप गरिएको छ।
शंकर ग्रुप तथा जगदम्बा स्टिलका सञ्चालक रहेका अग्रवालमाथि थप अनुसन्धानका लागि जिल्ला प्रशासन कार्यालय काठमाडाैंले बुधबार म्याद थप गरेकाे हाे।
ज्वरो नाप्ने थर्मल गन (डिजिटल थर्मोमिटर) कालोबजारी गरेर बिक्री गरेको आरोपमा मंगलबार दिउँसो उनी पक्राउ परेका थिए। अग्रवालले चीनको गोन्जाउबाट २१ गते थर्मल गन ल्याएका थिए। अग्रवालको कम्पनीले चीनबाट सेटिङमा आफ्नो मात्रै सामान ल्याएको थियो।
सेटिङमा आफ्नो कम्पनीको मात्रै मेडिकल उपकरण तथा औषधि ल्याउँदै सामान कालोबजारीमा बिक्री गरिरहेको पाइएकाे हाे।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।