काठमाडौं - बर्दियाको बाँसगढी नगरपालिका ५ मोतिपुर जंगलस्थित भित्री सडकखण्डमा दुई मोटरसाइकल एकआपसमा ठोक्किँदा एक जनाको मृत्यु भएको छ भने तीन जना गम्भीर र एक जना सामान्य घाइते भएका छन् ।
मोटरसाईकल दुर्घटनामा मृत्यु हुनेमा बर्दिया गुलर२४ वर्षीय ओमकार थारु भएको प्रहरीले जनाएको छ । भारतको लखनउ तर्फ उपचारको लागि लैजाने क्रममा थारुको मृत्यु भएको बताइएको छ ।
घाइते भे ११ प ८५६७ नम्बरको मोटरसाइकल चालक बर्दिया बारबर्दिया नगरपालिका ३ बानियाभार बस्ने २५ वर्षीय आशिष थारुको टाउकोमा चोट लागेको छ । उनको अवस्था गम्भीर,रहेको प्रहरीले जनाएको छ ।
यस्तै रमन थारु, भारतको लौकाइ बस्ने १८ वर्षीय सहाबुदिन खान र जमाल खान पनि घाइते भएका छन् ।
हिँजो मंगलबार दिउँसो करिव १ बजे भे ५ प ९१६१ नम्बरको मोटरसाइकल र विपरीत दिशाबाट जाँदै गरेको भे ११ प ८५६७ नम्बरको मोटरसाइकल एकआपसमा ठोक्किएका थिए ।
दुर्घटनामा परेको दुवै मोटरसाइकल नियन्त्रणमा लिई थप अनुसन्धान भइरहेको प्रहरीले जनाएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
