काठमाडौं– हेलिकोप्टरमा ज्यान गुमाएका मन्त्री रवीन्द्र अधिकारी सहित अन्यको शव भोलिमात्रै श्रद्धाञ्जलीका लागि टुँडिखेलमा राखिने भएको छ।
शुक्रबार ८ बजेदेखि ११ बजेसम्म श्रद्धाञ्जलीका लागि शव राखिने छ।
'पोष्टमार्टमको कामले समय लिएको हुँदा ताप्लेजुङ दुर्घटनामा दिवंगत मन्त्री सहितका व्यक्तित्वप्रति श्रद्धान्जली कार्यक्रम भोलि बिहान ८-११ बजेसम्म हुने छ', प्रधानमन्त्रीका राजनीतिक सल्लाहकार तथा नेकपा केन्द्रीय सदस्य विष्णु रिमालले ट्विट गरेका छन्।
त्यसपछि अधिकारीको शव पोखरा लगिने छ। अन्यको शव आफन्तलाई बुझाइने छ।
यसअघि, बिहीबार नै टुँडिखेलमा श्रद्धाञ्जली दिने कार्यक्रम तय भएको थियो।
दुई जनाको मात्रै सनाखत भएको छ भने अन्यको भने हुन नसकेको छैन। अब डिएनएबाट शव सनाखत गरिने प्रहरी प्रवक्ता एसएसपी उत्तमराज सुवेदीले जानकारी दिए।
यो पनि पढ्नुहोस्
ताप्लेजुङ हेलिकोप्टर दुर्घटना : अन्तिम श्रद्धाञ्जलीका लागि टुँडिखेलमा फूलको सजावट [फोटो फिचर]
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
