काठमाडौं- प्रस्तावित प्रधानन्यायाधीश चोलेन्द्र शम्शेर राणाले आफू प्रधानन्यायाधीश भए भ्रष्टाचारमा शून्य सहनशीलता हुने बताएका छन्। संसदीय सुनुवाइ विशेष समितमा सांसदहरुले गरेको प्रश्नको जवाफ दिने क्रममा उनले यस्तो बताएका हुन्।
सुनुवाईका क्रममा उनले आफूले विगतमा गरेका कामका फेहरिस्त समेत प्रस्तुत गरेका थिए। आफूले ११ हजार मुद्दा फैसला गरेको बताएका राणाले गुठीमा छोराछोरी दुबैको हक स्थापित गराउन भूमिका खेलेको उल्लेख गरे। यसैगरी वैदेशिक रोजगारीका क्षेत्रमा समेत उल्लेख्य सुधार गर्न भुमिका खेलेको समेत बताएका थिए।
'सार्वजनिक जग्गा, बलत्कारका मुद्दामा हद म्याद लचकता हुने फैसला गरेको छु। न्यायापालिका थप प्रभावकारी हुन जरुरी छ। संघीयता कार्यान्वयनमा आउने विवाद निरुपण गर्नेछु' उनले भने। आम नागरिकको समृद्धि र नागरिक प्रतिको उत्तरदायित्वमा काम गर्नु पर्नेछ। न्यायलय सुधारमा सचेत हुनै पर्छ।
नागिरकको अवस्था सुधार गरी विकास कायम राख्नु पर्ने बताएका राणाले स्वच्छ, निस्पक्ष न्यायालय हुनुपर्ने बताएका थिए। न्यायालयको प्रक्रिया समेत सरल हुनुपर्ने बताएका राणाले न्यायिक सुशासन कायम गर्ने र अनियमितता प्रति शून्य सहनशीलता हुने बताएका थिए।
यसैगरी विधि र प्रक्रिया बनाएर समावेशी प्रतिनिधित्वमा ध्यान दिने बताएका राणाले आफ्नो कार्यकालमा यसतर्फ ध्यान दिएर काम गर्ने बताए। अगामी दिनमा न्यायलयलाई भित्र र बाहिरबाट सहयोग हुने आशा गरेको बताएका राणाले प्रणालीगत विकास गर्ने, संहिता कार्यान्वयनलाई प्राथिमकता दिने बताएका थिए। उनले मुद्दा फर्स्योट हुने क्रम बढेको बताए।
राणाले न्यायालय सुधारमा ११ क्षेत्र समेत प्रस्तुत गरेका थिए। राणाले न्यायालयमा हुने भ्रष्टाचार निवारण गर्न निगरानीमूलक संरचना विकास गर्न सकिने बताएका थिए।
अध्ययनहरूका प्रतिवेदनले दिएका सुझाव कार्यान्वयन गर्न समेत आफू लागि पर्ने बताएका राणाले बिचौलियालाई कारबाही गर्ने योजना सुनाए।
न्यायाधीश र कर्मचारी भष्टाचारमा मुछिए छानबिन गरी तत्काल कारबाही हुने, न्यायाधीशको नियुक्ति पारदर्शी र समावेशी हुने राणाले बताए। निरन्तर अनुगमन र मूल्यांकन तथा आचारसंहिताको पालनमा प्रोत्साहित गर्ने तथा न्यायिक निष्ठा अभिवृद्दि गर्ने कार्यक्रम चलाउने राणाले बताएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
