याङ्गुन– भारतका राष्ट्रपति रामनाथ कोविन्द औपचारिक भ्रमणका लागि सोमबार म्यानमार पुगेका छन्।
भ्रमणका क्रममा भारतीय राष्ट्रपति कोविन्दले म्यानमारका शीर्ष नेताहरूलाई भेट्ने कार्यक्रम रहेको अधिकारीहरूले जनाएका छन्।
उनले आफ्ना समकक्षी यु विन मिन्ट र म्यानमारकी स्टेट काउन्सिलर आङ साङ सू कीसँग विषेश छलफल गर्ने कार्यक्रम रहेको छ।
उनीहरूबीच विषेश गरेर दुईपक्षीय सम्बन्ध, आपसी हित, व्यापार तथा आर्थिक सहयोग आदानप्रदानलगायतका विषयमा छलफल हुने जनाइएको छ।
कतिपय साझा स्वार्थ र परियोजनाहरूमा सहकार्य गर्ने र अन्तर्राष्ट्रिय चासोका विषयसँगै आतङ्कवादविरुद्धको लडाइँका बारेमा पनि छलफल हुने तय भएको समाचारमा जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
